Planities elata Leno-Angarensis

Planities elata Leno-Angarensis (Russice Лено-Ангарское плато) est planities elata in Sibiria, pars planitiei elevatae Sibiriae Mediae; in regione Ircutensi Russiae sita est. Area planitiei circa 20 milia chm² est; altitudo maxima 1464 m, altitudo media in parte autrali circa 1000 , in parte boreali circa 500 m. A iugo Baicalensi demissione Cisbaicalensi separatur, cuius latitudo ad 100 chm est. Calcareis et saxis arenaceis planities elata composita est.

Planities elata Leno-Angarensis divortium aquarum Angarae et Lenae est; Ilimus Angarae confluvius et Cuta Kirengaque Lenae confluvii hic oriuntur. Ostium Cutae (Ust'-Cut), Kirensk ("munimentum Kirengense"), Urbs Montis Ferreae Ilimensis (Železnogorsk-Ilimskij) urbes planitiei sunt. Carsto et vallibus fluminum, usque ad 600 m profundis, dissecata est.

Nexus externi

Situs geographici et historici: Locus: 55°30′0″N 105°0′0″E, 55°29′55″N 105°0′14″E • GeoNames • Большая российская энциклопедия

• Planities elata Leno-Angarensis in Encyclopaedia Russica magna