Kirenga[1] (Russice Киренга) est flumen in regione Ircutensi Russiae. In iugo Baicalensi e confluentia Kirengae Dextrae et Kirengae Sinistrae oritur, circiter 669 chiliometra patet et in Lenam flumen (cuius accola dextra est) in Kirensk urbe ("munimentum Kirengense"[2] antiquum) effunditur. Per taigam desertam et saxosam in maxima parte longitudinis aquas fert.

Kirenga
Pons trans Kirengam in Magistral'nyj colonia urbana anno 2004
Longitudo 669 chm
Altitudo fontis 764,2 m
Decursus aquae 650 (18 chm ab ostio) /s
Area systematis 46 600 chm²
Fons Confluentia Kirengae Dextrae
et Kirengae Sinistrae fluminum
in iugo Baicalensi
Ostium Lena
Regio Regio Ircutensis Russiae

Ferrivia a Baicale ad Amurem in Magistral'nyj colonia urbana ad Kirengam adit et 25 chm secundum flumen it; in vico Okunaiskij eam transit et alia 18 chm secundum ripam usque ad Ulkan vicum it.

Notae recensere

  1. Ioannes Georgius Gmelin, Flora Sibirica, tomus I., pp. XII; Georgii Steller Descriptiones plantarum L'enam et Kirenga (fluvium observatarum) 1740, 1741; Cirenga, — Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 493.
  2. Gmelin, p. 304.

Nexus externi recensere

  Situs geographici et historici: Locus: 57°46′8″N 108°7′48″E, 54°46′3″N 108°9′24″E, 57°46′7″N 108°7′50″E • GeoNames • Большая российская энциклопедия
  Vicimedia Communia plura habent quae ad Kirengam spectant.