Paeninsula Tamanica

Paeninsula Tamanica (Russice Таманский полуостров, tr. Tamanskij poluostrov), a septentrione Palude Maeotidi, ab occidente Bosporo Cimmerio, et a meridie Ponto Euxino alluetur, nunc pars territorii Crasnodariani (ut plurimum, eius districtus Temrucensis) Foederationis Russicae est.

Paeninsula Tamanica in tabula geographica Russica, delta Hypanis fluvii depingenti (circa annum 1870)

Aream circa 1700 km² habet, quorum plus quam 900 km² ad terram, alia ad sinus etc. pertinent. In antiquitate autem formam insularum a fretis separatarum habebat.

Historia

Tempore antiqua a Scythis inhabitabatur, et dein pars Regni Bosporani fuit. Coloniae Graecorum Phanagoria et Hermonassa in hac paeninsula locabantur. Saeculo quarto paeninsula Tamanica a Hunnis occupata est, dein fuit pars media Bulgariae Magnae, et saeculo septimo in possessionem Chazarorum venit. Anno 969 paeninsula adiuncta est ad Rutheniam, vel Russiam, Kioviensem, cuius ducatus Tmutaracanensis ibi considebat. Circa ab anno 1100 haec regio a Cumanis dominabatur, et anno 1239 invasione Mongolo-Tatarorum subiecta est. Postea paeninsula ad annum 1483 in possessione Genuae erat, et dein pars chanatus Crimensis facta est. Postquam chanatus ille anno 1783 in Imperium Russicum inclusus est, paeninsula Tamanica non longe ad Imperium Ottomanicum pertinebat, et tempore Belli Russo-Turcici annorum 1787–1792 adiuncta est ad Russiam.

Nexus externi

Vicimedia Communia plura habent quae ad paeninsulam Tamanicam spectant.

• Pagina de paeninsula Tamanica Encyclopaediae Russicae Magnae (Russice)