Lauritius (Theod.: Lauritz) Lauritzen (natus 20 Ianuarii 1910 Kieliae, mortuus 5 Iunii 1980 Hunaphae) vir publicus et sodalis Socialis Democraticae Factionis Germaniae (SPD) erat.

Lauritius Lauritzen (ad laevam) anno 1974

Familia, Iuventus et Munus recensere

Familia origine Danica, pater faber erat. Ipse anno 1929 primus e familia Kieliae maturitatem adeptus est. Deinde Friburgi Brisgoviae et Kieliae iurisprudentiae atque rebus publicis studebat. Anno 1933 primam, anno 1937 secundam probationem accepit, iam 1936 doctor iurisprudentiae promotus est. Annis 1937 - 1945 pro Administratione Germanica Chemiae (Theod.: Reichsstelle Chemie) laboravit. Anno 1945 praeses officii Theodori Steltzer, praesidis superioris provinciae Slesvici et Holsatiae, nominatus est. Tum ad annum 1950 minister publicus in administerio rerum internarum huius terrae, annis 1953/1954 in eodem administerio Saxoniae Inferioris fuit.

Cursus honorum recensere

Lauritzen ab anno 1929 sodalis SPD fuit. Anno 1954 magister civium superior Cassalae electus est. Anno 1963 Administer Iustitiae Hassiae electus est. 1 Decembris 1966 in consilio ministrorum Curtii Georgii Kiesinger (CDU) Administer Foederalis Aedificiorum nominatus est. Hunc magistratum et Gulielmo Brandt (SPD) cancellario foederali tenuit. Anno 1969 etiam primo legatus Dietae Foederalis Germaniae electus est. 7 Iulii 1972 etiam Administer Foederalis Cursus Publici et Administer Foederalis Commeatus factus est. Post electionem Dietae Foederalis 15 Decembris Administer Commeatus tantum mansit. Postquam Brandt cancellarius foederalis a magistratu se recessit, et Lauritzen consilium ministrorum reliquit. Ad usque mortem anno 1980 legatus Dietae Foederalis mansit.

Administri Foederales Cursus Publici Germaniae
Consilium ministrorum Kiesinger (1 Decembris 1966 - 21 Octobris 1969)
Consilium ministrorum Brandt I (22 Octobris 1969 - 15 Decembris 1972)
Consilium ministrorum Brandt II (15 Decembris 1972 - 7 Maii 1974)