Laurentius Meyer

Laurentius Meyer (natus 15 Februarii 1948 oppido Salzkotten (Westfalia)) vir publicus Germaniae et sodalis Christianae Democraticae Unionis Germaniae (CDU) est.

Iuventus et munus

Meyer anno 1968 maturitatem adeptus studium oeconomiae in universitate Monasterii coepit et 1975 diploma oeconomici accepit. Deinde variis in societatibus energiae laboravit. Postquam Dietam Foederalem reliquit (vide infra) consiliator societatum commercialium laborat.

Familia

Meyer bis uxorem duxit. E prima quattuor filias, e secunda, quam anno 2008 duxit, filium habet.

Cursus honorum

Annis 1975 - 1995 Meyer, qui anno 1968 factionem CDU accesserat, consiliarius urbis Hammonae fuit. Annis 1990 - 2002 legatus senatus terrae Rhenaniae Septentrionalis-Vestfaliae erat, deinde legatus Dietae Foederalis Germaniae electus est. Anno 2000 Angela Merkel eum secretarium generalem factionis suae fecit. Anno 2004 Volkerus Kauder eius successor nominatus est. Anno 2009 Meyer electionem Dietae Foederalis perdidit et parlamentum relinquere coactus est.

Nexus externi

Secretarii generales Christianae Democraticae Unionis Germaniae


Bruno Heck • Conradus Kraske • Curtius Biedenkopf • Henricus Geißler • Volkerus Rühe • Petrus Hintze • Angela Merkel • Ruprechtus Polenz • Laurentius Meyer • Volkerus Kauder • Ronaldus Pofalla • Hermannus Gröhe • Petrus Tauber • Anna Margareta Kramp-Karrenbauer • Paulus Ziemiak