Iugum Palmarium
Iugum Palmarium[1] vel iugum Stanovoi[2] (Russice Становой), interdum Chingan Exterior[3] est iugum montium in meridiana Orientis extremi Russiae parte. Eius maior pars confinium est Iacutiae et regionis Amurensis; pars reliqua in territorio Fortuniano sita est. In oriente iugum Palmarium cum Dzhugdzhur montibus coniungitur, in occidente planitiei montanae Palmariae adiacet (Olecma flumen inter eos transit). A septentrione planities montana Aldanica ei adiacet. Divortium aquarum Lenae et Amuris est (id est oceanorum Glacialis et Pacifici). Aldanus, Zeia, Utschurus et Timpton flumina in iugo Palmario oriuntur. Altissimus iugi Palmarii mons est Skalistyi Golets ('Saxum nudum'), 2412 m altus.
De nomine
recensereUsque ad initium saeculi XX, iugo Palmario nomine omnes montes a iugo Pomorum per iugum Palmarium hodiernum ad Dzhugdzhur et planitiem montanam Kolymensem coniunguntur; et in lingua Evenkensi nomine Dzhugdzhur iuga Pomorum, Palmarium et Dzhugdzhur hodiernum una nuncupabantur; in carminibus Evenkensibus hi montes et "Columna vertebralis telluris" appellabantur.
Notae
recensere- ↑ Ioannes Georgius Gmelin, Flora Sibirica sive historia plantarum Sibiriae, tomus I., Petropoli, 1747, p. xx. (Textus apud Google Books).
- ↑ Et iam iugum Stanovoj chrebet,—Norae Zabinkovae et Moysis Kirpicznikov Nomina physico-geographica principalia URSS s.v. Становой хребет..
- ↑ Russice Внешний Хинган
Nexus externi
recensere
|
Situs geographici et historici: Locus: 55°30′0″N 127°30′0″E • GeoNames • Store norske Lexikon • Большая российская энциклопедия |