Ioannes IV (tzar Russiae)

Ioannes, seu Iohannes, IV Basilii filius^[1] (Russice Иоанн / Иван IV Васильевич, tr. Ioann / Ivan IV Vasil'evič; natus 25 Augusti 1530 in vico Kolomenskoe prope Moscuam, mortuus 18 Martii 1584 Moscuae), cognomine Severus^[2] (Russice Грозный, tr. Groznyj), erat magnus dux Moscoviae et "totius Russiae (Rutheniae)" ab anno 1533, et anno 1547 primus tzar (czar, i.e. rex aut imperator) Russiae factus est.

Ioannes IV Casanum (anno 1552), Astrachanum (anno 1556) et ceteros terras adiunxit. Etiam contra Ordinem Livonicum, Sueciam, Poloniam et Magnum Ducatum Lituaniae bellabat (Bellum Livonicum, annis 1558 - 1583). Anno 1581 sic se titulavit: "Magnus Dominus Czarius (sive Rex, aut Imperator) ac Magnus Dux Ioannes Basilii totius Russiae, Volodimeriae, Moscoviae, Novogardiae, Imperator Casani, & Imperator Astracani, Dominus Plescoviae, & Magnus Dux Smolenscii, Tueriae, Permiae, Viatciae, Bulgariae, & aliorum locorum, ac Dominus haereditarius terrae Livoniae" ^[3]. Praeterea, tempore regiminis eius adiunctio Siberiae ad Russiam incepta est (anno 1581).

Opricznina anno 1565 instituta Ioannes repressalia contra nobilitatem perfecit, confirmationis dominationis suae gratia.

Notae

↑ Ioannes Basilii filius^[1] etiam notus est ut Ioannes Basilides^{[2] [3]}, Iohannes Basilides^[4], Ioannes Basilides II^[5], Iohannes Basilides II.^[6], seu Iohannes Basilides IV.^[7]
↑ "Ioannes Severus dictus (1530–1584), inde ab anno 1533 magnus princeps Moscoviensis"[8].
↑ A. Possevini Moscovia et alia opera , p. 82

Vicimedia Communia plura habent quae ad tzarem Ioannem IV spectant.

Lexica biographica: Gran Enciclopèdia Catalana • Den store danske • Deutsche Biographie • Store norske leksikon •

Antecessor: Basilius III	Magnus Dux Moscoviae	Successor: Theodorus I
Antecessor: -	Tzar Russiae	Successor: Theodorus I