Eduardus Eichwald

Eduardus Ioannis filius Eichwald (Russice Эдуард Иванович Эйхвальд) vel Carolus Eduardus de Eichwald (Theodisce Karl Eduard von Eichwald), 4 Iulii^[1] 1795 Mitaviae natus et 10 Novembris^[2] 1876 Petropoli mortuus, fuit botanista et zoologus et palaeontologus Russicus.

Vita et opera

Germanus Curlandiae, in Universitate Vilnensi et Berolini educatus, ab anno 1730 in Universitate Dorpatensi et ab anno 1823 in Universitate Casanensi docebat. Annis 1826 et 1827 expeditionem per mare Caspium et Caucasum fecit. Ab anno 1837 Petropoli in Academia Augustana medica et chirurgica laborabat et in Instituto Metalleutices palaeontologiam docebat. Opera multa Latina, Theodisca et Russica composuit.

Illustratio e Lethaeis Rossicis Eduardi Eichwald (fossilia)

«Observationes ex anatomia comparata de Delphino et de Physalia» («Acta Acad. Sc.», 1824);
«Introductio in historiam naturalem Caspii maris» (Casani 1824);
«Zoologia specialis» (vol. I-III, Vilnae 1829—1831);
«Plantarum novarum quas in itinere caspio-caucasico observavit E. Eichwald fasc. II» (Vilnae 1831—1838);
«Fauna Caspio-Caucasia nonnullis observationibus observationibus novis» (Petropoli 1840)
«Lethaea Rossica» (vol. I-IV, cum atlante, 1860‒1868)

Siglum eius nominibus botanicis subscriptum est "Eichw." (apud IPNI reperiendum)