Dies Iuvenum Totius Orbis
Dies Iuvenum Totius Orbis, quod ad ambitum internationalem pertinet, sunt series nonnullorum dierum qui celebrabantur antea alternis annis et in praesenti quarto quoque plerumque anno diversis in civitatibus, per quos conventus Catholicus adulescentium iuvenumque amborum sexuum ex omnibus orbis terrarum partibus venientium habetur, cui multa centena milia hominum interesse solent ad fidem suam corroborandam atque ad maiorem universae ecclesiae Romanae sensum acquirendum. Huic conventui et pontifex Romanus adesse solet, atque adulescentes alloqui necnon cum iisdem Deum precari.
Annis quibus Dies Iuvenum Totius Orbis internationales non fiunt, Dominicis in Palmis de passione Domini in Civitate Vaticana et in singulis orbis dioecesibus conventus dioecesani iuvenibus dicati habentur, qui inter Dies Iuvenum Totius Orbis item numerantur.
Dies Iuvenum Totius Orbis annis octogenariis saeculi vicensimi a papa Ioanne Paulo II instituti sunt, ac fere sicut nunc habentur disponi coepti sunt.
Index Dierum Mundialium Iuventutis
recensere| Annus | Dies | Papa | Urbs | Civitas | Frequentia | Thema |
|---|---|---|---|---|---|---|
| 1984 | 15 Aprilis | Ioannes Paulus II | Roma | Civitas Vaticana | 300 000 | Iubilaeum Redemptionis |
| 1985 | 31 Martii | 300 000 | Annus Internationalis Iuventutis | |||
| 1987 | 11–12 Aprilis | Bonus Aër | Argentina | 1 000 000 | Et nos, qui credidimus, novimus caritatem, quam habet Deus in nobis (1 Io 4, 16) | |
| 1989 | 10–15 Augusti | Compostella | Hispania | 500 000 | Ego sum via et veritas et vita (Io 14, 6) | |
| 1991 | 10–15 Augusti | Czenstochovia | Polonia | 1 600 000 | Accepistis Spiritum adoptionis filiorum (Rom 8, 15) | |
| 1993 | 10–15 Augusti | Denverium | Foederatae Civitates | 500 000 | Ego veni, ut vitam habeant et abundantius habeant (Io 10, 10) | |
| 1995 | 10–15 Ianuarii | Manila | Philippinae | 5 000 000 | Sicut misit me Pater, et ego mitto vos (Io 20, 21) | |
| 1997 | 19–24 Augusti | Lutetia | Francogallia | 1 200 000 | Magister, ubi manes? — Venite et videbitis (Io 1, 38–39) | |
| 2000 | 15–20 Augusti | Roma | Italia | 3 000 000 | Verbum caro factum est et habitavit in nobis (Io 1, 14) | |
| 2002 | 23–28 Iulii | Torontinum | Canada | 800 000 | Vos estis sal terrae... Vos estis lux mundi (Mt 5, 13–14) | |
| 2005 | 16–21 Augusti | Benedictus XVI | Colonia Agrippina | Germania | 1 000 000 | Venimus adorare eum (Mt 2, 2) |
| 2008 | 15–20 Iulii | Sydneium | Australia | 500 000 | Accipietis virtutem, superveniente Sancto Spiritu in vos, et eritis mihi testes (Act 1, 8) | |
| 2011 | 16–21 Augusti | Matritum | Hispania | 2 000 000 | Radicati et superaedificati in Christo et confirmati fide (cfr Col 2, 7) | |
| 2013 | 23–28 Iulii | Franciscus | Urbs Fluminensis | Brasilia | 3 700 000 | Euntes ergo docete omnes gentes (Mt 28, 19) |
| 2016 | 26–31 Iulii | Cracovia | Polonia | 2 500 000 | Beati misericordes, quia ipsi misericordiam consequentur (Mt 5, 7) | |
| 2019 | 22-27 Ianuarii | Franciscus | Urbs Panamensis | Panama | 700 000 | Ecce anchilla Domini; fiat mihi secundum verbum tuum. (Lc 1, 38) |
Nexus externi
recensere- (Italice) Pagina de Diebus Iuvenum Totius Orbis apud locum interretialem Civitatis Vaticanae
- De "Die Mundiali Iuventutis" vel "Mundiali Iuventutis Die" Coloniae Agrippinae habendo loquitur Benedictus XVI postridie quam papa factus est (vide nn. 4 et 6)
- Decretum quo indulgentia plenaria occasione "XXVI Mundialis Iuvenum Diei", Matriti anno 2011 habiti, conceditur
- Decretum quo, occasione "XXVIII Mundialis Iuvenum Diei", indulgentiarum conceditur donum