Cnidus

Cnidus

Tabula Turciae situm Cnidi indicans

Cnidus seu Cnidos (Graece: Κνίδος) fuit urbs Graeca antiqua Cariae cuius ruinae prope oppidum Tekir in Turcia visitantur. Saeculo septimo p.C.n. a classe Arabum destructa est.

De cultu Aphroditae

Praecipua dea apud Cnidios erat Aphrodite cui plura templa dedicata erant ː vetustissimum Aphroditi Doritidi, alterum Aphroditi Acraeae, novissimum Aphroditae Euploiae (id est bonae navigationis), etiam simplicius ab extraneis Aphroditae Cnidiae dictae. In quo templo statua deae unum e celeberrimis Praxitelis sculptoris operibus erat, Venus Cnidia hodie dicta. In nummis quoque plerisque Cnidii caput deae exprimere solebant. Qua de causa Atheniensis navarchus Conon postquam magnam victoriam anno 394 a.C.n. apud Cnidum de Lacedaemoniis rettulit et ipse templum Aphroditi in Piraeo dedicavit.

Hodie Cnidus est sedes episcopalis titularis Ecclesiae Catholicae Romanae.

Cives illustres

Nummus Cnidiorum nudam Aphroditen exhibens ad imitationem celeberrimae statuae Veneris Cnidiae dictae.

• Agatharcides, geographus qui de rubro mari secundo saec. a.C.n. scripsit.
• Ctesias, medicus Artaxerxis qui circa 400 a.C.n. de rebus Persicis et Indicis libros composuit.

Fontes antiqui

• Aristoteles, Politica V.6.4 et 16.
• Herodotus, Clio 174
• Pausanias libro primo Graeciae descriptionis I.3
• Strabo, Geographica XIV.2.15

Bibliographia

Despectus in portum et ruinas urbis Cnidi

• "Cnidus" in Gulielmus Smith (1854). Dictionary of Greek and Roman Geography. Londinii: Walton & Maberly

Nexus interni

• Venus Cnidia

Nexus externi

Vicimedia Communia plura habent quae ad Cnidum spectant.

Terra

Haec stipula ad urbem spectat. Amplifica, si potes!