Ballista
Ballista[1] (a Graeco βάλλω 'iacio') est machina bellica, magni arcus similis, restibus ac loris tenta, quá lapides, massae ferri, aliaque tela trans magnum spatium iaciuntur.[2]
_vector.svg)
Vide etiam paginam discretivam: Ballista (discretiva).
Ballistarius est qui ballistam fabricat aut adhibet[3]; ballistarium est locus ubi ballista iacet. Carroballista est ballista in carro posita.
Descriptiones antiquae
recensereHanc descriprionem inveneris apud Ammianum Marcellinum, scriptorem quarti saeculi[4]ː
ferrum inter axiculos duos firmum conpaginatur et vastum in modum regulae maioris extentum, cuius ex volumine tereti, quod in medio pars polita conponit, quadratus eminet stilus extentius, recto canalis angusti meatu cavatus, et hac multiplici chorda nervorum tortilium inligatus: eique cochleae duae ligneae coniunguntur aptissime, quarum prope unam adsistit artifex contemplabilis et subtiliter adponit in temonis cavamine sagittam ligneam spiculo maiore conglutinatam, hocque facto hinc inde validi iuvenes versant agiliter rotabilem flexum. Cum ad extremitatem nervorum acumen venerit summum, percita interno pulsu a ballista ex oculis avolat, interdum nimio ardore scintillans, et evenit saepius, ut antequam telum cernatur, dolor letale vulnus agnoscat.
Notae
recensere- ↑ Aliquando balista scripta.
- ↑ Lewis et Short, s.v. "ballista".
- ↑ Ballistarium in Panoplia Hartmanni Schopperi et Iodoci Ammanis videas.
- ↑ Optimum commentarium Francogallicum inveneris in editione apud Collection des Université de France data, tomus IV/2 Commentaire, 1977ː notae 72sqq.
Fontes
recensere- Ammianus Marcellinus, Res gestae XXIII.4.1-3
- Procopius, De bellis Gothicis I.21.14.
Plura legere si cupis
recensere- Ε. W. Marsden, Greek and Roman Artillery. Historical development, Clarendon Press, 1969 Recensio critica Altera recensio critica Tertia recensio critica Quarta recensio critica
Nexus interni
recensere