Arminius Pitters

Arminius, vulgo Hermann Dankwart, Pitters (natus Schaesburgi die 25 Ianuarii 1932; mortuus Cibinii die 23 Decembris 2023^[1]) fuit historicus ecclesiasticus Dacoromanicus e stirpe Saxonum Transsilvaniae oriundus.

Vita

Schola superior Cibiniensis de theologica Protestantica, nunc pars universitatis a Luciano Blaga nominatae.

Filius pastoris Cibinii, quo familia interim venerat, paedagogicae arti studuit. Breviter Schaesburgi ludimagistri munere functus est, antequam se apud Universitatem Claudiopolitanam annis ab 1951 ad 1955 in theologia collocaret. Quo finito, Helgam Rehner in matrimonium duxit, quacum tres filios habuit. Inde Pitters ipse presbyter Veszedo in vico apud Villam Ecclesiae^[2] creatus est. Neque umquam scientias neglexit, ut anno 1961 Cibinii veniam in quodam instituto theologico docendi nancisceretur, et octo annis post doctoratu laurearetur. Ex anno 1978, cathedram de historia ecclesiastica^(en) obtinebat; rude donatus a disciplinis temporatim continuandis non horruit. Annis inter 1986 et 1998 theologis decanus fuit, quando nexus cum peregrinis universitatibus corroborandi erant et aliunde multi studiosi Cibinium ibant.

Quoniam annis inter 1979 et 1999 periodicum Kirchliche Blätter moderabatur; ipse symbolas multas publicavit. Post decennium anno 1995, terminari potuit editio in Theodiscum conversa istius operis magni dogmatici orthodoxi quod Demetrius Stăniloae pepigerat; cui titulus Orthodoxe Dogmatische Theologie.^[3]

Pitters oecumenismi fautor anno 2007 opus Rumänisches Martyrologium scripsit. Ibi victimae Christiani omnium confessionum honorati sunt qui communismo saeviente persecutionem passi erant. Alumni praelectiones eius magni aestimaverunt, quae semper captantes et litteratae fuisse dicuntur.

In tribu Cibiniensi quodam cui nomen Turnișor ex anno 1991, in erigendo eruditorio operam dabat, quod Academia Evangelica Transsilvanica (compendiarie EAS) nuncupatur. Insuper doctissimus atque inclutissimus in historia artis fuit, quam libentissime et magno cum gaudio aliis explicabat.

Honores

2019: doctor honoris caussa in Constantia^[4]
doctor honoris caussa Hilariopolitanus
praemium rei publicae Dacoromaniae pro cultura promovenda
gemma Academiae Evangelicae Transsilvanicae honoraria

Nexus externi

"Kirchenhistoriker mit großem Herzen". Apud: Hermannstädter Zeitung, 18 Februarii 2022 (in anniversario XC)
de doctoratu Tomis accepto (2019)
necrologus

Notae

↑ "Trauer um Hermann Pitters." - Apud: evang.ro, 27 Decembris 2023.
↑ "Geographie des Großfürstenthums Siebenbürgen" (Karl Gottlieb von Windisch, 1790) - nomina hodierna sunt Chirpăr et Veseud
↑ Orthodoxe Dogmatik, cum praefatione Georgii Moltmann - in editionibus G. Mohn, Gütersloh 1985.
↑ Nina May: "Ovidius-Universität verleiht Ehrendoktorwürde an Prof. em. Dr. Hermann Pitters". Apud: ADZ, 30 Maii 2019

Nexus externi

Lexica biographica: • Deutsche Biographie •

[1] "Trauer um Hermann Pitters." - Apud: evang.ro, 27 Decembris 2023.

[2] "Geographie des Großfürstenthums Siebenbürgen" (Karl Gottlieb von Windisch, 1790) - nomina hodierna sunt Chirpăr et Veseud

[3] Orthodoxe Dogmatik, cum praefatione Georgii Moltmann - in editionibus G. Mohn, Gütersloh 1985.

[4] Nina May: "Ovidius-Universität verleiht Ehrendoktorwürde an Prof. em. Dr. Hermann Pitters". Apud: ADZ, 30 Maii 2019

[1]

[2]

[3]

[4]