Cibinium

Cibinium (Dacoromanice: Sibiu ; Theodisce: Hermannstadt ; Hungarice: Nagyszeben) est urbs circiter 154000 incolarum (anno 2007) in Transsilvania. Caput est Cibinii circuli. Magister urbis annis 2000 ad usque 2014 Nicolaus Iohannis fuit, qui deinde praeses totius Romaniae factus est. Ibi habet sedem Opus fundatum ecclesiarum munitarum.

Cibinium

Res apud Vicidata repertae:

Cibinium: insigne

Civitas: Romania
Locus: 45°48′0″N 24°9′0″E
Numerus incolarum: 134 308
Zona horaria: UTC+2, UTC+3
Situs interretialis
Nomen officiale: Sibiu

Gestio

Praefectus: Astrid Fodor
Procuratio superior: Cibinium

Geographia

Superficies: 121±0.01 chiliometrum quadratum

Coniunctiones urbium

Urbes gemellae: Landishuta, Bauru, Columbia, Daventria, Clagenfurtum, Marburgum, Condate Redonum, Wirral, Mechlinia

Tabula aut despectus

Cibinium: situs

Cibinium Pons mendaciorum

Cibinii collocatio in circulo eiusdem nominis

Historia

Anno 1147 primi coloni e Germania venientes huc veniunt. Anno 1191 nomen praepositum Cibiniensem descriptum est. Anno 1223 "Villa Hermanni" nominabatur, anno 1241 "Hermannstorf". Cibinium caput "Saxonum Transsilvaniae" fuit. Iam anno 1224 Andreas II rex Hungariae Saxonis Andreano diplomate Saxonibus magna privilegia dedit: Ad annum 1781 nullis colonis nisi Germanis hic habitare licuit. Iosephus II imperator Austriacus hanc legem sustulit. Ad annum 1918 Cibinium ad Imperium Austro-Hungaricum pertinuit, deinde ad Romaniam. Germani post secundum bellum mundanum et praecipue post finem dictaturae communistarum patriam reliquerunt: Anno 1977 hic 25.403 Germani vixerunt, anno 2011 non plus quam 1.561.

Anno 2007 Cibinum una cum Luxemburgo caput culturale Europaeum fuit.

Incolae

Anno 2011 hic 147.245 homines habitabant, inter eos 130.998 Dacoromani, 2.169 Hungari, et 582 Zingari atque 1.561 Germani.

Communium coniunctiones

• Bauru, Brasilia (1995)
• Columbia, CFA (1994)
• Clagenfurtum, Austria (1996)
• Landshut, Germania (2002)
• Mechlinia, Belgia (1996)
• Marburgum, Germania (2005)
• Condate Redonum, Francia (1999)
• Valentia, Venetiola (1993)
• Wirall, Regnum Unitum (1994)
• Takayama, Iaponia (2012)

Clari cives

Nati

• Nicolaus Olachus (1494 - 1568), archiepiscopus Strigonii.
• Melchior Cibinensis, alchemista
• Anscharius Pastior (1927 - 2006), scriptor
• Gualterius Godofredus Seidner (natus 1938), pastor protestanticus et scriptor linguae Theodiscae
• Nicolaus Iohannis (natus 1959), praeses Romaniae ab anno 2014

Mortui

• Samuel de Brukenthal (1721 - 1803), gubernator Transsilvaniae
• Alexander Vaida-Voevod (1872 - 1950), rerum politicarum peritus

Cives honorii causa

• Franciscus Gualterius Steinmeier (*1956), minister rerum exterarum Germaniae (2015)

Incolae Cibinii ad tempus

• Andreas Cseh, sacerdos catholicus et summus esperantista

Axiotheata

• Casa Friderici Teutsch
• Ecclesia cathedralis orthodoxa
• Ursulinarum fanum

Nexus externi

Vicimedia Communia plura habent quae ad Cibinium spectant.

• Cibinii pagina officialis
• Cibinii pagina ut Europae culturae urbis anno 2007
• Nexum collectio de Cibinio

Notae

Haec stipula ad urbem spectat. Amplifica, si potes!