Vicipaedia

Acacia

Acacia est fruticum arborumque genus, quod ad subfamiliam Mimosoidearum familiae Fabacearum pertinet, primum ex Africa a Linnaeo anno 1773 descriptum. Nomen e Graeco ἀκίς 'acies' deducitur, cum typus generis, Acacia nilotica ex Aegypto, spinas habeat.[2] Acaciae caules, plerumque spinosi, valvulos ferunt, et folia succusque magnam tanninorum copiam continere solent.

Classis : Magnoliopsida 
Ordo : Fabales 
Familia : Fabaceae 
Subfamilia : Mimosoideae 
Tribus : Acacieae 
Genus : Acacia 
Mill.,[1]
   
Subdivisiones: Species
Circa 1300; vide Indicem specierum Acaciae

Sunt in omni terrarum orbi circa 1300 Acaciarum species, quarum circa 960 in Australia endemicae inveniuntur, reliquis in tropicis et calidis temperatis hemisphaeiorum Septentrionalis et Australis regionibus, Africam, Americam Septentrionalem Meridionalemque, Asiam meridionalem, et Europam complectentibus.

Classificatio

recensere
 
Acacia pycnantha.

Genus Acacia ut videtur non est monophyleticum. Haec inventio genus Acaciam in quinque nova genera (in Indice specierum Acaciarum discepta) scidit. Nomen acaciae ad species generis Robiniae vulgo sed falso adhibetur, quae etiam ad Fabaceas pertinent. Robinia pseudoacacia, species Americana Anglice black locust appellata, acacia falsa (Anglice false acacia) in cultu Britanniarum Regni aliquando appellatur.

Distributio geographica

recensere
 
Acacia smallii.

Australissimae generis species sunt A. dealbata, A. longifolia, A. mearnsii, et A. melanoxylon, quae ad 43°30' M in Tasmania attingit, dum A. caven eandem latitudinem in Chubut Provincia septentrio-orientali Argentinae paene attingit. Species Australianae Anglice wattles ferme appellantur; species Africanae Americanaeque, acacias.

 
Acacia retinodes.

A. albida, A. tortilis, et A. iraqensis in deserto Paeninsulae Sinaiensis et valle Fluminis Iordanis incultae inveniuntur.

Descriptio

recensere
 
Acacia berlandieri.

Folia plerumque sunt pinnata multiplicia. In aliquibus autem speciebus, praecipue in speciebus Australianis Pacificisque, foliola supprimuntur, et petioli sunt complanati ut pro foliis sint; hae structurae phyllodia dicuntur.

Floribus, parvis, sunt quinque parvula petala, a staminibus longis paene celata, in densis fasciculis globosis cylindraceisve disposita; in plurimis speciebus sunt flavi cremeive, in aliquibus albida, etiam purpurea (A. purpureapetala) vel rubra (A. leprosa, cultivarietate 'Scarlet Blaze').

Plantae spinas saepe ferunt, praecipue species quae in regionibus aridis crescuntur. Spinae aliquando ramos exprimunt qui breves, duros, et pungentes fiunt, vel aliquando stipulas. A. armata Anglice est kangaroo-thorn Australiae et A. erioloba est camelthorn Africae.

Pinacotheca diagnostica

recensere

Flores

recensere

Cortex

recensere

Folia

recensere

Legumina

recensere

Semina

recensere

Spinae

recensere

Arbor

recensere

Lignum

recensere

Notae

recensere
  1. ↑ Genus: Acacia Mill.—Germplasm Resources Information Network (GRIN).
  2. ↑ Fabulae apud Allafrica.com.[nexus deficit].

Bibliographia

recensere
  • Clement, B. A., C. M. Goff, et T. D. A. Forbes. 1998. "Toxic Amines and Alkaloids from Acacia rigidula." Phytochem. 49(5):1377.
  • Shulgin, Alexander, et Ann Shulgin. 1997. TiHKAL the Continuation. Transform Press. ISBN 0-9630096-9-9.

Nexus interni

Receptum de "https://la.wikipedia.org/w/index.php?title=Acacia&oldid=3821039"