Stauropolis

Stauropolis^[1], vulgo Stavropol^[2] (Russice Ставрополь, e Graeco "crucis urbs"), est urbs in Russia, in Caucaso Septentrionali sita; caput territorii Stauropolitani est. Circa 434 milia incolarum habet. Stauropolis est valens sedes scientiae, culturae, mercaturae et industriae. Locus intersectionis viarum est, stationem ferriviariam et aeroportum habens.

Haec pagina de urbe Caucasica tractat. Si aliud quaeris quod etiam “Stauropolis” appellatur, vide Stauropolis (discretiva).

Historia

Stauropolis anno 1777 castrum condita, anno 1785 statum urbis obtinuit, cito valens sedes oeconomica Caucasi Septentrionalis facta. Ab anno 1822 metropolis fuit regionis Caucasicae Imperii Russici, anno 1847 in gubernium Stauropolitanum renominatae. Anno 1924, gubernio Stauropolitano abolito, Stauropolis inclusa est in territorium Septentrio-Caucasicum, et, ab anno 1935 Vorošilovsk (in honorem Clementis Vorošilov) nominabatur, extremo anno 1936 facta est sedes administrativa territorii illius, anno sequenti in territorium Ordžonikidzense (secundum Gregorium Ordžonikidze) renominati. Anno 1943 nomen priscum urbi reversum est, territorium autem renominatum est Stauropolitanum.

Notae

Nexus externi

Vicimedia Communia plura habent quae ad Stauropolim spectant.

Situs geographici et historici: Locus: 45°3′0″N 41°59′0″E • GeoNames • Pleiades • Store norske Lexikon • Большая российская энциклопедия

[1] Ioannes Krynicki^(ru), Ioannes Kaleniczenko^(ru), Series animalium in itinere ... ad Caucasum et Taurudem collectorum, in: Bulletin de la Société Impériale des naturalistes de Moscou, 1839, 1, pp. 210, 251; Eduardus Eichwald, Fauna Caspio-Caucasica, Petropoli 1841, p. 36; Franciscus Iosephus Ruprecht, Flora Caucasi, vol. I, pp. 47, 230, 288.

[2] "Habitat prope Stavropol in Caucaso", — Ioannes Rudolphus Roth^(de), Spicilegium molluscorum orientalium, in: Malakozoologische Blätter, vol. 2, Cassellae 1856, p. 70.

[1]

[2]