Silicatum

Saxa silicata^[1] sunt mineralium grex maximus; circa 800 saxa silicata nota sunt, et lithosphaerae 90% in silicatis consistunt. In lapidibus fissilibus et gneissis saepe gignuntur.

Compositio et genera

Sensu chemico silicata sunt oxidi silicii (Si O₄) sales et esteres. Cetera silicatorum elementa aluminium, ferrum, magnesium, manganum, calcium, natrium, kalium sunt; rarius lithium, borium, beryllium, zirconium, titanium, fluorum etc. inveniuntur.

Mineralia silicata tetrahedris oxygenicis ([SiO₄]₃), diversis modis coniunctis, constructa sunt, et secundum modum coniunctionis dividuntur.

Silicata anularia, quorum tetrahedra oxygenica anulos formant, sunt, e.g., olivinum, zirconum, titanitum, cyanitum, staurolithum, vesuvianum, orthitum, rhodonitum etc.; gemmae smaragdus, granatum, topazium, beryllus, aquamarina silicata anularia sunt.

Silicatorum catenariorum tetrahedra catenas formant; tales pyroxena sunt. Silicata zonalia zonis sui generis constructa sunt; tales sunt, e.g., iadeitum et actinolithum; silicata foliacea foliis, e.g. micae et caolinites et asbestus chrysotilus et murmanitum. Sunt et alia silicatorum genera.

gemma Romana saeculi II ex aquamarina silicato facta

Notae

↑ E.g., Friderici Hausmann^(de) Commentatio de usu experientiarum metallurgicarum.... Gottingae 1838, p. 13, 24; Friderici Pagels De basaltae in argillam transmutatione, Berolini 1858, p. 26 etc.; vel silicates (e.g., Iacobi Klostermann De analysi silicatum, Vindobonae 1844).

Nexus externi

Britannica (Anglice)
Encyclopaedia Russica magna (Russice)
Treccani (Italiane)

[1] E.g., Friderici Hausmann^(de) Commentatio de usu experientiarum metallurgicarum.... Gottingae 1838, p. 13, 24; Friderici Pagels De basaltae in argillam transmutatione, Berolini 1858, p. 26 etc.; vel silicates (e.g., Iacobi Klostermann De analysi silicatum, Vindobonae 1844).

[1]