Salamis

Salamis (-īnis f.; Graece Σαλαμίς; Neograece Σαλαμίνα) est insula et demus Graeciae, cuius locus medius est oppidum eiusdem nominis. Salamis ad Insulas Saronicas pertinet; quoad administrationem pars est regionalis Insularum unitatis in regione Attica. Nomen "Salamis", ut credebant antiqui, a nympha Salamine derivatum est, quam deus Poseidon huc rapuit; ex ea genuit Cychreum conditorem urbis Salaminis.

Salamis

Res apud Vicidata repertae:

Civitas: Graecia
Locus: 37°56′17″N 23°29′7″E
Numerus incolarum: 39 220
Zona horaria: UTC+2, UTC+3
Situs interretialis

Gestio

Procuratio superior: Insulae

Geographia

Superficies: 95 chiliometrum quadratum

Vide etiam: Salamis (discretiva).

Historia

Insula iam nota est in Iliade carmine Homerico: in catalogo navium poëta docet heroem Aiacem a Salamine duodecim naves Troiam duxisse militesque suos iuxta Atheniensibus posuisse. Saeculo VI a.C.n. autem, bello inter Megaram Athenasque exorto, Megarenses dixisse haec verba ab Atheniensibus ficta. Magarenses ipsi aliter cecinerunt, "Aiax naves duxit e Salamine, Polichna, Aegirussa, Nisaea, Tripodibus" urbibus Megaridis.

In bello Graeco-Persico anni 480 classem Persicam iuxta Salamine nautae Graeci oppugnaverunt et omnino debellaverunt rege Xerxe ipso observante.

Incolae noti

• Cychreus, conditor et primus rex Salaminis in mythologia Graeca
• Telamon, rex mythicus Salaminis, pater Aiacis et Teucri
• Aiax Telamonius, heros belli Troiani
• Teucer, frater Aiacis, conditor mythicus Salaminis urbis in insula Cypro
• Euripides, tragicus, hic natus circa annum 485 a.C.n.
• Theodorus Pancalus, primus minister et dictator Graeciae, hic natus anno 1878
• Angelus Sicelianus, poëta saeculi XX, hic habitavit

Fontes

• Pausanias libro primo Graeciae descriptionis capite 35-36

Nexus interni

• Pugna Salaminia

Notae

Terra

Haec stipula ad geographiam spectat. Amplifica, si potes!