Sabina vulgo Sabine Trenner (nata anno 1962) esperantista paedagoga socialis, ingeniaria de machinis construendis Germana est. Secundum methodum Andreae Cseh instruere solet nisi seminaria specialia habet sive commentationes in diversis periodicis in lucem ferri iubet. Insuper iuvat historiunculas Esperanticas pangere.[1]

Finitus est Congressus universalis Esperanticus Berolini anno 1999 celebratus, quem bene disponere et Sabinae Trenner fuerat

VitaRecensere

Sabinae Trenner fuit mater Rosenna Trenner (1930-1988), Esperantici fautrix indefessa. Annis inter 1982 et 1986 Scholam superiorem ingeniariam ad Wismar (in Megapoli-Pomerania Citeriori) frequentavit ubi absolutorium scholasticum in machinis construendis nacta est. Annis 1990 ineuntibus munus mutare ei oportuit. Proinde Potestampii annis inter 1993 et 1997 paedagogiae sociali studebat antequam mediatrix fieret apud Societatem socialem-paedagogicam Brandenburgensem; annis inter 2004 et 2008 Berolini in Instituto therapeutico familiari operam dabat. Annis autem inter 2012 et 2019 psychotherapeuta infantium adulescentiumque creata est. Tunc in scholis laborabat sive in nosocomiis.

Actiones in esperanticis rebusRecensere

Inde ab anno 1985 Trenner in Iuventute Esperantica Germaniae Orientalis (GDR-a Esperanto-Junularo) fuit, qua in consociatione iuvenes alios comitabatur. Insuper Festa Zamenhofiana Berolini cum aliis disponebat et ipsa in multis conventibus internationalibus adfuit, e.g. in congressu XLIV Associationis iuventutis Esperanticae internationalis Agrani celebrato. [2]

Sabine Trenner praeter Alexandram Kinast, Uwe Weiß, Adrianum Bourcevet et Andream Jacobs valde operam navabat tempore quo libera Iuventus Esperantica Germaniae Orientalis (Die Esperanto-Jugend) fundabatur, habenis politicis mense Novembri anni 1989 immissis. Mense Ianuario 1990 societas iuvenilis independens iure admissa est.[3] Die 7 Aprilis 1990 coitio generalis in Alma Universitate Humboldtiana Berolinensi fiebat. Torsten Bendias in libro suo praetitutlato Die Esperanto-Jugend in der DDR opinatur Sabinam Trenner inter esperantistas Germanos maximi momenti numerandam esse, quando Res publica democratica Germanica collapsa est.[4] Et nostris diebus Trenner cum iuvenibus Esperantico inflammatis laborat apud Iuventutem Esperanticam Brandenburgensem-Berolinensem (EJB). Ei placet bene agere in commutationibus provehendis cum iuvenibus Europae Orientalis (Konsilejo por junulara interŝanĝo kun orienta eŭropo); consilium hoc Potestampii in Via Berolinensi 49 sedem suam habet et ligamenta firma cum aliis Europaeis creare velit. Ibi pullullant conventus, cursus, itinera et multa alia; quae ubi agentur relegi possunt apud Brandenburger Blättchen.[5]

Annis 1990 folia officiala Brandenburger Blättchen plus quam triginties edita sunt. Modo saepe faceto et Trenner (sub pseudonymo Trine) ibi argumenta sua spargit; in foliis istis etiam narrationes criminales, apologi, aenigmata, textus didascales insunt.[6]

Congressus infantilisRecensere

Sabina Trenner iam in Congressu universali Esperantico anno 1998 ad Montem Pessulanum celebrato de adulescentibus curam habuit (Internacia Infana Kongreseto/IKK). Cum autem anno 1999 talis congressus maximus in Germaniae capite fiebat Trenner inter summos moderatores fuit denuo inter multas alias res etiam de infantibus curam habens. Ea ratione opusculum exaravit cui titulus La aventuroj de Villi Abelo cum rebus a Gulielmo Abelo gestis.[7] Infantes autem non Berolini sed ad Potestampium vocati erant in Centrum periegeticum apud Lacum diabolicum, qui dicitur (Teufelssee, Bergholz-Rehbrücke). Ei grate Monica Cruz, Ioanna Goddard, Stephanus Pietsch, Anna-Maria Pinter atque Lucas Tokarski succurrebant. Die autem novissimo iuvenes Berolini ante adultos sese praesentarunt.

Trenner in litteris pangendisRecensere

Anno 1997 palmam tulit pro oratione soluta in certamine ab Universali Societate Esperantica data, ubi eius opus Pli ol nura lumo honoratum est. De palma certarunt auctores duodecim e decem terris oriundi. Florilegium Samideanoj – Satiroj kaj humuraĵoj pri Esperanto kaj pri esperantistoj praebet narratiunculam eius praetitulatam Pro po de quaestione quadam grammaticali; ea iam anno 1997 in periodico Literatura Foiro (n-ro 167/1997) apparuerat.[8] Verba musicae cantoribus Kajto nonnumquam scribit (e.g. cantilenae primae in collectione Masko et cantilenae praetitulatae Para-Fino ibidem invenienda). Musicam autem composuit Nanne Kalma.[9] Daniel Gibbons anno 1999 de his omnibus criticam dedit apud Monato.[10]

Trenner criticansRecensere

Criticas varias quoque Trenner scripsit. Apud Literatura Foiro anno 1999 e.g. de opere Promeso en obskuro Immanuel de Seabra, quod Vindobona editum est cum titulo : ...kaj la sekva, bonvolu...[11]

Apud La Gazeto in n-ro 89 legi potest critica Revivigi plurjarcentan trezoron de florilegio hoc Antologio de kroataj unuaktaj dramoj, quod Branko Hečimović collegerat.[12]

Trenner magistraRecensere

Sabinam Trenner etiam in commissionibus examinantium internationalibus (IRA) sodalem esse constat. Velut Andreas Cseh homines directo ad Esperantica adducebat et adducit. Seminaria ad magistros didactice corroborandos quoque habet. Ei persuasum est argumenta paedagogica psychologicaque magis animadvertenda esse. Tractationem suam specialem de querelis solvendis ("Kiel solvi konfliktojn?") verbis his apertura est: KVERELO kaj PERFORTO estas multe diskutataj temoj en la nuna tempo. Aŭdeblas ne malofte la riproĉo, ke en la lernejoj oni ne sufiĉe faras por eviti postajn violentajn agojn. Peri formojn de konstruiva konflikta prilaboro postulas la moderna edukado.[13]

Seminarium Sabinae Trenner anno 1999 pro Associatione Esperanticum docentium internationali habitum, cui titulus La fremdeco en ni: ekkoni antaŭjuĝojn kaj ilin prilabori, laudatum est a Gratiana Opulskienė in periodico Internacia Pedagogia Revuo(IPR) 2000/1.[14] In eodem numero Trenner ipsa scripsit Media – kio? Mediaciado!.

Opera selectaRecensere

  • Pro po. En: Samideanoj – Satiroj kaj humuraĵoj pri Esperanto kaj pri esperantistoj“ Sezonoj. Regiomontii 2006 et apud: Literatura Foiro (n-ro 167),  LF-koop (ed.), La Chaux-de-Fonds (Helvetiae) 1997.
  • Pli ol nura lumo. Apud: Fritz Wollenberg (Red.) Esperanto – Lingvo kaj Kulturo Berlino: Jubilea Libro 1903 - 2003; Enrigardo, Rerigardo, Antaŭrigardo. Esperanto-Ligo Berlino r.A. (Ed.), Mondial, Neoeboraci - Berolini 2006, p. 92-95 – ISBN 1-59569-043-3. Apud: Fonto, n-ro 201.
  • Kajto: Masko. Discus compactus 28 minutarum. Ed. Vinilkosmo, Donneville, 1999.
  • ...kaj la sekva, bonvolu... Critica de Promeso en obskuro Emmanuelis de Seabra. Apud: Literatura Foiro en 1999, LF-koop (ed.), La Chaux-de-Fonds (Helvetiae).
  • Revivigi plurjarcentan trezoron. Critica de Antologio de kroataj unuaktaj dramoj, apud: La Gazeto, numero 89, p. 32, Esperanto-Klubo de Metz (ed.), Creuë (Francogalliae)
  • La aventuroj de Villi Abelo / 33-a Internacia Infana Kongreseto de Esperanto. Deutsche Esperanto-Jugend (ed.), Berolini 1999.
  • Kiel solvi konfliktojn? Monda ASEMBLEO Socia, publicatio interretialis solummodo 2005
  • Media – kio? Mediaciado! Apud: IPR 2000/1
  • Vojoj al pli paca lernejo. Apud: IPR 2000/3 [7]

NotaeRecensere

  1. De Sabinae Trenner operibus apud OLE - Aŭtoroj de originala literaturo en Esperanto [1]
  2. der esperantist n-ro 150, p. 79
  3. Bendias, Torsten: Die Esperanto-Jugend in der DDR. Zur Praxis und Lebenswelt sozialer Strömungen im Staatssozialismus. LIT-Verlag Dr. W. Hopf, Berolini 2011, p. 212
  4. Bendias, Torsten: Die Esperanto-Jugend in der DDR. Zur Praxis und Lebenswelt sozialer Strömungen im Staatssozialismus. LIT-Verlag Dr. W. Hopf, Berolini 2011, p. 237
  5. Trine kaj Steffen: Neplenumitaj promesoj aŭ simple estu flekseblaj. Apud: Viola Wallich (red.): Brandenburger Blättchen n-ro 29 (1/1997).
  6. Trine: Vermo en varmo en amo. Apud: Viola Wallich (red.): Brandenburger Blättchen n-ro 29 (1/1997).
  7. La aventuroj de Villi Abelo / 33-a Internacia Infana Kongreseto de Esperanto. Deutsche Esperanto-Jugend (ed.), Berolini 1999.
  8. Pro po. Apud: Samideanoj – Satiroj kaj humuraĵoj pri Esperanto kaj pri esperantistoj, in casa editoria Sezonoj, Regiomontii 2006; porro apud: Literatura Foiro (Nr. 167),  LF-koop (ed.), La Chaux-de-Fonds (in Helvetia) 1997.
  9. Kantarviki Masko [2] Kantarviki Para-fino [3]
  10. Daniel Gibbons: Kajto flugas denove. En: Monato, Flandra Esperanto-Ligo 2001 [4]
  11. Sabine Trenner: ...kaj la sekva, bonvolu... Criticanda de Promeso en obskuro Immanuelis de Seabra. Apud: Literatura Foiro, 1999, LF-koop (ed.), La Chaux-de-Fonds (in Helvetia).[5]
  12. [6]
  13. Agitur ibi de scholis ubi pullullant rixae quotidianae, quod hic relegi in interreti relegi potest.
  14. De laudanda methodo praeiudiciorum vitandorum, quam Trenner fovet atque vulgat

Nexus externiRecensere