Associatio Esperanticum docentium internationalis
Associatio Esperanticum docentium internationalis (Esperantice Internacia Ligo de Esperantistaj Instruistoj, compendiarie: ILEI) est principalis linguae Esperanticae magistrorum societas. Praeses anno 2021 electus est Ahmad Reza Mamduhi architectus Persicus.[1][2] Antea id officium subierat Mirella Grosjean Helvetica, Stephanum MacGill sequens.
Fundata est ista sodalitas utilissima anno 1949; praeses emminens habebatur Eduardus Symoens Belga. Annis inter 1993 et 1998 regebat Duncan Charters Britannicus.
Descriptio
recensereILEI sectio officialis Universalis Societatis Esperanticae Roterodami est. Membra eius e terris plus quam 45 oriuntur.
Disciplinas dat praesertim magistris in omni orbi terrarum dispersis, qui quotannis in congressu conveniunt. Eduntur periodica Internacia Pedagogia Revuo (IPR) quater in anno et Juna Amiko textus didascalicos facetissimos qualitatis supremae habens.
Cooperantes
recensere
Artae cooperationes fiunt cum hominibus operam dabantibus in retibus edukado.net, qui et examina linguistica internationaliter approbata parant et modernitatem didacticam praestant. Responsalibus in totius mundi institutis educatoriis libentissime commoda linguae Esperanticae exhibentur et auxilium in Esperanticis instituendis, ut communicatio interculturalis et internationalis facilior fiat, praebetur.
In studiorum Universitate Adam Mickiewicz Posnaniensi magistri Esperantici et diplomata acquirere possunt. Multis ex annis Domus culturalis Esperantica quae dicitur in Castello Grésillon cooperationes cum magistris Esperantici totius mundi init. Annis 1990 paedagogiam computatris adiutam in mundum Esperanticum introduxerat Maurus La Torre Italus, associationis huiusce praeses.