Rutinum
Rutinum (a ruta, praecipue Ruta graveolente, planta quae rutinum continet), etiam rutosida et quercetinum-3-O-rutinosida et sophorinum appellatum, est glycosidum quod quercetinum flavonolum et rutinosum disaccharidum (α-L-rhamnopyranosyl-(1→6)-β-D-glucopyranosum) coniungit. Quod est flavonoidum in permultis plantis inventum, inter quas insigniter plantae generis Citri. Eius nomen IUPAC est 3′,4′,5,7-Tetrahydroxy-3-[α-L-rhamnopyranosyl-(1→6)-β-D-glucopyranosyloxy]flavonum.
Rutinum est glycosidum flavonoidicum in permultis plantis inventa, inter quas Fagopyrum esculentum,[1] folia petiolique specierum rheubarbari, et asparagus. Rutinum est unum ex primariis flavonolis in Prunis persicis cultivarietatum "clingstone" inventis.[2] Etiam in infusionibus theae viridis invenitur.[3]
Rutinum est unum e compositis phenolicis in Carpobroto eduli, specie invasiva, inventis.
Investigatores se rutinum in matalafi (Psychotria insularum), planta in Samoa endemica, invenisse anno 2021 nuntiaverunt.[4]
Notae
recensere- ↑ "Extraction of rutin from buckwheat (Fagopyrum esculentum Moench) seeds and determination by capillary electrophoresis". Journal of Agricultural and Food Chemistry 47 (11): 4649–52. November 1999
- ↑ "Low-density lipoprotein antioxidant activity of phenolic compounds and polyphenol oxidase activity in selected clingstone peach cultivars". Journal of Agricultural and Food Chemistry 48 (2): 147–151. Februarius 2000
- ↑ "Determination of Rutin in Green Tea Infusions Using Square-Wave Voltammetry with a Rigid Carbon-Polyurethane Composite Electrode". Electroanalysis 18 (10): 1028–34. 2006.
- ↑ "Functional genomics and metabolomics advance the ethnobotany of the Samoan traditional medicine "matalafi"". Proceedings of the National Academy of Sciences of the United States of America 118 (45): e2100880118. November 2021.
Nexus externi
recensere
|
Vicimedia Communia plura habent quae ad rutinum spectant. |