Cultivarietas

Cultivarietas (ex Anglicis cultivated + variety) est planta quam homines proprietates desideratas petentes generant, quae in quaque generatione nova regignuntur per rationem sicut usus insitorum, cultura texturae, et generationem seminum diligenter cohibitam. Plurimae cultivarietates ex considerata hominum tractatione, sed aliquae e plantis feris quibus sunt proprietates distinctae oriuntur. Nomina propria cultivarietatum secundum praecepta Codicis Internationalis Nominum Plantarum Cultarum eliguntur, et non omnes plantae cultae cultivarietates rite appellantur. Horticulturistae plerumque credunt vocabulum cultivarietas creatum fuisse ut 'varietatem cultam' significaret.

Osteospermum 'Pink Whirls', cultivarietas pro floribus venuste coloratis dilecta,

Libertas Hyde Bailey (1858–1954) vocabula cultigenum anno 1918 et cultivarietatem anno 1923 creavit.

Triticum aestivum, ab eruditis cultigenum putatum, est species ab aliis triticis distincta, secundum notione specierum biologicarum. Multae cultivarietates diversae intra hoc cultigenum considerate generatae sunt. Alia cultigena species distinctae non existimantur.

Cultivarietas Oncidii, generis orchidacearum.

Leucospermum 'Scarlet Ribbon', mixtura in Tasmania creata ex L. glabro et L. totto.

Multae plantae populo gratae, sicut rosae, camelliae, narcissi, et rhododendra, sunt cultivarietates a selectione humana aut a lusu in feris generatae, et pro colore, forma, vel magnitudine florum et foliorum, forma habituque omnis organismi, aliisve proprietatibus desideratis porro propagatae. Similiter, paene omnes orbis terrarum fruges agriculturales sunt cultivarietates, quae pro fructibus maioribus, sapore, facultate morborum repugnandorum, aliisque proprietatibus selectae sunt, atque victu quam minime nunc adhibentur plantae ferae. Arbores quae in silvicultura adhibentur sunt praecipuae formae pro naturali ingenio aucto et fructu materiae cultae.

Cultivarietates sunt maior pars cultigeni, latioris gregis a Libertate Hyde Bailey anno 1923 propositi, qui definitur planta cuius origo vel selectio praesertim ex considerato opere humano derivatur. Cultivarietas non est eadem res ac varietas botanica, quae est gradus taxinomicus sub subspeciem positus, ac regulae quidem botanicarum varietatum et cultivarietatum creandarum inter se discrepant.

Nexus interni

• Herbarium
• Horticultura
• Ingeniaria genetica
• Plantae ornamentales
• Seminium
• Taxinomia Linnaeana
• Taxinomia plantarum

Bibliographia

• Bailey, Liberty Hyde (1923). "Various cultigens, and transfers in nomenclature". Gentes Herbarum 1 (Part 3): 113–36 .
• Brickell, Chris D. et al. (eds) (2009). "International Code of Nomenclature for Cultivated Plants (ICNCP or Cultivated Plant Code) incorporating the Rules and Recommendations for naming plants in cultivation. Editio octava, adopted by the International Union of Biological Sciences International Commission for the Nomenclature of Cultivated Plants". Scripta Horticulturae (International Society of Horticultural Science) 10: 1–184. ISBN 978-90-6605-662-6 .
• Lawrence, George H. M. (1953). "Cultivar, Distinguished from Variety". Baileya 1: 19–20 .
• Lawrence, George H. M. (1955). "The Term and Category of Cultivar". Baileya 3: 177–81 .
• Lawrence, George H. M. (1957). "The Designation of Cultivar-names". Baileya 5: 162–65 .
• Lawrence, George H. M. (1960). "Notes on Cultivar Names". Baileya 8: 1–4 .
• Morton, Alan G. (1981). History of Botanical Science: An Account of the Development of Botany from Ancient Times to the Present Day. Londinii: Academic Press. ISBN 0-12-508382-3 .
• Spencer, Roger; Cross, Robert; Lumley, Peter (2007). Plant names: a guide to botanical nomenclature. (Ed. tertia.). Collingwood Australiae: CSIRO Publishing (also Earthscan, UK.). ISBN 978-0-643-09440-6 .
• Spencer, Roger D.; Cross, Robert G. (2007). "The International Code of Botanical Nomenclature (ICBN), the International Code of Nomenclature for Cultivated Plants (ICNCP), and the cultigen". Taxon 56 (3): 938–40 .
• Trehane, Piers (2004). "50 years of the International Code of Nomenclature for Cultivated Plants". Acta Horticulturae 634: 17–27 .

Nexus externi

Vide vultivarietatem in Victionario.

• The International Code of Nomenclature for Cultivated Plants (editio ultima, 2009).
• International Cultivar Registration Authorities.^{[nexus deficit]}
• "The Language of Horticulture."
• Commentarius ony Lord. The Plantsman, magazina
• Hortivar – The Food and Agriculture Organization of the United Nations Horticulture Cultivars Performance Database.