Ria

Ria (-ae, f.) sive aber (-i, m.) est fluvialis valles a mari possessa, dissimilis fiordi, quod profundum et cum lateralibus clivis abruptis est, quia glaciario excavatum est (dicitur de suffossione glaciaria quia glaciarium sub aequor maris fodere potest), ria sive aber haud glaciariam vallem litoralis fluminis elevato aequore maris tectam designat.

Flumen Georgii (Anglice Georges River), meridionis in Sydneiensibus suburbiis (in Australia) ria sive aber est. Dentatissima riae forma dendriticam repercussit siccationis figuram quae exsistit antequam aequor maris elevatum vallem inundet.

Ria Ferreoli (Gallaice et Hispanice Ría de Ferrol) in Gallaecia, in Hispania.

Vocabulum ria e lingua Gallaica provenit et quamobrem riae nuncupantur in Hispania et Lusitania, sed vocabulum aber e lingua Armoricana ortum est et ergo aberi in Britannia Minore (in Francia) nominantur.

Aliquae exempla riarum sive aberorum in mundo sunt:

• Ria Aviarii (Lusice Ria de Aveiro) in Lusitania

• Riae Inferiores (Gallaice Rías Baixas; Hispanice Rías Bajas) inter quas Ria Murorum (Gallaice et Hispanice Ría de Muros), Ria Arauzae (Gallaice Ría de Arousa; Hispanice Ría de Arosa), Ria Pontis Veteris (Gallaice et Hispanice Ría de Pontevedra), Ria Vici (Gallaice et Hispanice Ría de Vigo), in Gallaecia in Hispania

• Riae Superiores (Gallaice et Hispanice Rías Altas) etiam in Gallaecia in Hispania

• Ria Bilbai (Hispanice Ría de Bilbao; Vasconice Bilboko itsasadarra) in Vasconia in Hispania etiam;

• Portus Iacksonianus Sydneii in Australia

• Sinus Chesapeacus in orientali Civitatum Foederatarum litore

• Canalis Limitis (Croatice Limski kanal; Italice Canale di Leme) in Histria in Croatia

• Fiordo di Furori in Italia

• Sanriku Kaigan Iwateensi in Iaponia

Nexus interni

• Fiordum

Terra

Haec stipula ad geographiam spectat. Amplifica, si potes!