Vide etiam paginam fere homonymam: Epocha Rhaetica

Raetia sive Rhaetia fuit provincia Romana in regionibus aquiloniis, ab Alpibus usque ad Danuvium et ab Lacu Bodamico usque ad Aenum fluvium. Sed Danuvius defendit fines provinciae solum usque ad Abusinam (Germanice: Eining), ita Vespasianus iussit limitem, qui limes Raeticus appellatur, collocari.

Situs provinciae Raetiae in Imperio Romano

Expugnatio a Romanis recensere

Drusus anno 15 a.C.n. Alpes transiit invasitque finis alienos. Eodem anno Tiberius invasit regiones occidentis et pervenit ad lacum Bodanicum et Vindelicos vicit.

Provincia sub dominatione Romana recensere

 
Raetia provincia Romana linea gilva delineata in inferiore parte tabulae.

Annis 16 ad 14 regiones in Raetiam provinciam conclusae sunt. A procuratore ex ordine equestri rectae sunt. Tempore Marci Aurelii circum annum 180 legio, scilicet legio III Italica, in Raetiam missa est. Cuius castra fuerunt Castra Regina. Quocirca provincia abhinc non iam praetoria erat sed a legato Augusti pro praetore administrabatur.

Ab quarto saeclo Raetia, quae fuit dioecesi Italicae, in Raetiam Primam (Curiensis) et Raetiam Secundam (Vindelica) divisa est. Duae partes duci subiectae sunt, nunc a singulis praesidiis recta. Casu imperii Romani anno 476, fortunae partium secatae sunt. Raetia secunda, quae Aquilonia sita est, a Marcommanis et Baiuvaris expugnata est. Copulae in Italiam secatae sunt, et lingua cultusque Romanorum abierunt. Raetia prima invicem copulas in Italiam colere potuit, ac lingua Latina et Christianismus migrationem gentium restiterunt. Postea nomen Raetia solum pro Curiensi in usu fuit.

Urbes in Raetia provincia recensere

Urbes amplae Romanorum fuerunt: Augusta Vindelicorum, Castra Regina, Campodunum, Curia Raetorum, Foetes, Curia, Clunia, Apodiacum, Guntia.

Bibliographia recensere

  • Tenney Frank, Roman Imperialism. Novi Eboraci: Macmillan, 1914 Textus apud archive.org
  • Tenney Frank, ed., An Economic Survey of Ancient Rome. 6 voll. Baltimorae: Johns Hopkins University Press, 1933-1940
  • A. H. M. Jones, The Later Roman Empire 284-602; a social, economic and administrative survey. 3 voll. Oxoniae: Blackwell, 1964

Nexus interni

Nexus externi recensere

  • Via Raetia cum nominibus Latinis (Germanice)