Publius Licinius Crassus Dives Mucianus
Publius Licinius Crassus Dives Mucianus (natus saeculo 2 a.C.n., mortuus initio anni 130 a.C.n.) vir publicus ac iuris peritus Romanus fuit.
Gens recensere
Pater eius Publius Mucius Q.f. Scaevola anno 175 a.C.n. consulatum gessit, deinde a filio Publii Licinii P.f. Crassi Divitis consulis anni 205 a.C.n. in gentem Liciniam adoptatus est. Clodiam in matrimonium duxit et filium Crassum Divitem habuit. Filia Licinia Gaio Sempronio Graccho tribuno plebis nupsit cuius politicis consiliis pater favebat.
Cursus honorum recensere
Mucianus anno 152 quaestor, anno 142 aedilis curulis fuit, anno 134 aut antea praetor electus est. Anno 133 a.C.n. ut frater Publius Mucius Scaevola consilia Tiberii Sempronii Gracchi probabat[1]. Tiberio Graccho a senatoribus occiso successit ut triumvir agro dividendo ex lege Sempronia[2][3]. Anno 132 a.C.n. pontifex maximus successor Publii Cornelii Scipionis Nasicae Serapionis electus est [4]. Anno 131 una cum Lucio Valerio Flacco consul electus collegam urbem relinquere vetuit, ut ipse bellum contra Aristonicum, nothum Attali II regis Pergamensis qui regnum suum testamento Romanis reliquisset, gereret. Sed iam anno 130 a.C.n. hoc in bello cecidit[5]. Victus et captivitatis dedecus reformidans ultro custodes provocavisse dicitur ut se interficerent[6].
Mucianus etiam orator ac iuris peritus maior fuit[7].
Plura legere si cupis recensere
- Fridericus Münzer: Licinius 72). In: Paulys Realencyclopädie der classischen Altertumswissenschaft (RE). Band XIII,1, Stuttgart 1926, Sp. 334–338.
- Petrus C. Nadig, "[I 19] L. Crassus Dives Mucianus, P." in Der Neue Pauly vol. 7 (Stutgardiae: Metzler, 1999. ISBN 3-476-01477-0) col. 164–165.
- Hieronymus Carcopino, "Les triumvirs de la lex Sempronia et l'histoire des Gracques" in Autour des Gracques. Etudes critiques, Les Belles Lettres, 1967ː 129-340
Notae recensere
- ↑ Marcus Tullius Cicero, De re publica I 32; Plutarchus, Tiberius Gracchus 21,1
- ↑ Plutarchus, Tib. Gr. XXI.1.
- ↑ CIL 1, 639 CIL 1, 640 CIL 1, 641 CIL 1, 642
- ↑ Valerius Maximus III.2.12.
- ↑ Strabo, Geographica XIV.1.38. Titus Livius, Periocha LIX. Velleius Paterculus II.4. Valerius Maximus III.2.12. Eutropius IV.9. Frontinus IV.5.6. Iustinus XXXVI.4.
- ↑ Orosius V.10.3. Valerius Maximus III.2.12. Frontinus, Strategemata IV.5.16.
- ↑ Marcus Tullius Cicero, De oratore I 170
| Antecessores: Publius Popillius Laenas et Publius Rupilius |
Consul 131 a.C.n. cum Lucio Valerio Flacco |
Successores: Lucius Cornelius Lentulus et Marcus Perperna |