Factio operaria socialistarum nationalium Germanica

Factio operaria socialistarum nationalium Germanica Nationalsozialistische Deutsche Arbeiterpartei
Ductor	Adolphus Hitler
Factio condita	1920
Factio soluta	1945
Praetorium	Monacum, Berolinum
Ideologia	Nazismus, Fascismus, Antisemitismus, Nationalismus, Homophobia, Xenophobia, Rassismus
Ars fiscalis	in medio
Ars socialis	ad dextrum extremum
Civitas	Germania

Factio operaria socialistarum nationalium Germanica (Theodisce: Nationalsozialistische Deutsche Arbeiterpartei), vel primis nominum litteris NSDAP, fuit factio politica, quae Germaniam duodecim annos (1933–1945) rexit. Dux factionis fuit Adolfus Hitler, qui cum impetum in Poloniam faceret secundum bellum mundanum commovit.

Adolphus Hitler cum Ante Pavelić.

Constat factiosos consociosque huius factionis atrocissima scelera contra iura humana perpetrasse, praecipue immani interemptione Iudaeorum, quam via ac ratione peragebant. Ideologia nazistica socialismus nationalis vocatur. Factiosi se ipsi socialistas nationales appellabant, cum ab aliis brevius et plerumque contemptim Nazii appellarentur.

Vexillum Custodis Veteris factionis Nazisticae Germanicae.

Factionis pagi 1926, 1928, 1933, 1937. 1939, 1943

Factio operariorum Germanica

Factio operariorum Germanica prima condita est ab Antonio Drexler die 5 Ianuarii 1919.

Placita factionis nazisticae Germanicae

Factionis placita in programmate quod et viginti quinque postulationes continebat descripta et anno 1920 Monaci proclamata sunt:

• De rebus socialibus: statuere cautionem socialem, cautionem inopiae operarum, universalia emerita ad senectutem, auxilium oeconomicum ad societates commerciales parvas, auxilium ut classis media magnopere augeatur, stipendia studentibus sine respectu classium eorum socialium, communicationem lucrorum societatum industrialium cum civitate

• De nationalismo: pangermanismus, postulatio novarum terrarum ad populum Germanicum extendendum (Lebensraum, coloniae), abrogatio foederum sanctionum Versaliis et Saint-Germain-en-Laye, creatio exercitus nationalis

• De phyletismo: antisemitismus, Christianitas positiva, repugnatio contra immigrantes, eugenica

• De dictatura: censura periodicorum, librorum, et radiophoniae, anti-parlamentarismus, anti-individualismus, multatio morte iniquorum feneratorum, omnium proprietatum et vitarum publicatio ad utilitatem publicam, anti-liberalismus politicus et oeconomicus

Ex 25 postulationes factionis

3. Postulamus terras et agros (colonias) ad populum alendum et ad collocandos illos populares qui Germaniae supersunt.

4. Civis esse non potest nisi sodalis popularis. Sodalis popularis esse non potest nisi qui est sanguine Germanus nulla ratione religionis habita. Ex quo sequitur nullum Iudaeum umquam esse posse sodalem popularem.

5. Qui non est civis habitare non debet in Germania nisi tamquam hospes ex lege aliena.

6. Ius regnum et rei publicae leges determinandi penes neminem esse liceat nisi civem. Ergo postulamus ut nemo nisi civis quocumque publico munere sive regni sive regionis sive municipii fungi debeat. Pugnamus contra venale parlamentum factionesque et adsectatores qui suae partis studiosi munera decernunt cum petentium vel ingenium vel facultatem neglegant.

7. Postulamus ut administratio publica curare debeat ut in primis cives et lucrum facere et vivere possint. Si populus omnis ali non potest illi qui ad alienas nationes pertinent (qui non sunt cives) ex regno exire iubendi sunt.

8. Qui non sunt Germani immigrare vetandi sunt. Qui non sunt Germani et post 2 Augusti 1914 immigraverunt illico regnum relinquere cogantur.

11. Reditus nonnisi ope laboris vel operae sunt assequendi. Servitus feneratoria aboleatur.

19. Postulamus ut pro iure Romano quod materialisticae legi mundi servit Germanicum ius commune substituatur.

De nomine sodalium

Nomen Nationalista Socialista annis 1919-1944 nomen verum fuit sodalium Nationalisticae Socialisticae Operariorum Factionis, sed detractores eos illudenter vel potius reprobanter Nazios appellant. Nazii olim fuit nomen breve Ignatii et cognomen iocosum Germanorum apud Austriacos.

Nexus interni

• Iosephus Goebbels
• Adolfus Hitler
• Iuventus Hitleriana
• Martinus Bormann
• Henricus Himmler
• Soa
• Holocaustum
• Antisemitismus
• SS
• Symbolismus Fascisticus

Bibliographia

• Evans, Richard J. 2003. The Coming of the Third Reich. Novi Eboraci, Toronti: Penguin. ISBN 978-0-14-303469-8.
• Evans, Richard J. 2005. The Third Reich in Power. Novi Eboraci: Penguin. ISBN 978-0-14-303790-3.
• Hayek, Friedrich. 1944. The Road to Serfdom. Routledge. ISBN 0415253896.
• Höhne, Heinz. 1969, 2000. The Order of the Death's Head: The Story of Hitler's SS. Londinii: Penguin. ISBN 978-0-14-139012-3.
• Hoover, Calvin B. 1935. The Paths of Economic Change: Contrasting Tendencies in the Modern World. The American Economic Review 25(1), Supplement: 13–20. Papers and Proceedings of the Forty-seventh Annual Meeting of the American Economic Association.
• Kershaw, Ian. 2008. Hitler: A Biography. Novi Eboraci: W. W. Norton & Company. ISBN 0-393-06757-2.
• Koehl, Robert. 2004. The SS: A History 1919–45. Stroud: Tempus. ISBN 978-0-75242-559-7.
• McNab, Chris. 2009. The Third Reich. Amber Books. ISBN 978-1-906626-51-8.
• McNab, Chris. 2011. Hitler's Masterplan: The Essential Facts and Figures for Hitler's Third Reich. Amber Books Ltd. ISBN 978-1907446962.
• Mitcham, Samuel W. 1996. Why Hitler?: The Genesis of the Nazi Reich. Westport Connecticutae: Praeger. ISBN 978-0-275-95485-7.
• Morgan, Philip. 2003. Fascism in Europe, 1919–1945. Routledge. ISBN 0415169429.
• Shirer, William L. 1960, 1991. The Rise and Fall of the Third Reich. Londinii: Arrow Books. ISBN 978-009942176-4.
• Weale, Adrian. 2010. The SS: A New History. Londinii: Little, Brown. ISBN 978-1-4087-0304-5.
• Zentner, Christian, et Friedemann Bedürftig. 1991, 1997. The Encyclopedia of the Third Reich. Novi Eboraci: Da Capo Press. ISBN 978-0-3068079-3-0.

Nexus externus

• 25 postulationes programmatis factionis (Germanice)