Vicipaedia

Morpho

Morpho (ex Graeco μορφώ 'formosa'[1]) est quaelibet e plus octoginta speciebus lepidopterorum generis Morphus, cui sunt papiliones neotropici, plerumque in America Australi, Mexico, et Media America inventi.[2] Papilionibus Morphoicis est latitudo alarum a 7.5 cm Morphus rhodopteri ad 20 cm Morphus hecubae.

Classis : Insecta 
Ordo : Lepidoptera 
Familia : Nymphalidae 
Subfamilia : Morphinae 
Tribus : Morphini 
Genus : Morpho 
Fabricius, 1807
   
Subdivisiones: Species
Vide commentarium.
Species typica
Papilio achilles Linnaeus, 1758

Subgenera et species

recensere

Index ordine alphabetico per subgenera et greges specierum digestus.[3]

Subgenus Iphimedeia

Subgenus Iphixibia

Subgenus Cytheritis

Subgenus Balachowskyna

Subgenus Cypritis

Subgenus Pessonia

Subgenus Crasseia

Subgenus Morpho

Sine grege:

Index ordine alphabetico per species digestus.

Colores

recensere

Multis papilionibus Morphoicis sunt radiantes colores metallici, praecipue caerulei et virides. Hi colores non pigmento efficiuntur, sed papiliones iricolores sunt: lamellae microscopicae alas tegentes micantem repercutiunt lucem iterum atque iterum gradibus continuis coruscantem, sic ad effectus interferentiae? ducens, qui in longitudine undarum et angulo micationis vel observantiae consistunt.[4] Ergo, colores producti secundum angulum intuentis variant. Haec structura cum crystallo photonico comparari potest. Imbricata eorum lamellarum alarum structura investigata est ut exemplar evolutionis textilium, pigmentorum fuco carentium, et technologiae anti-counterfeit? in moneta adhibita.

Lamellae iricolores solum in dorsali alarum latere adsunt; latus autem ventrale est fuscus. Lamellae ad 70% lucis micantis repercutiunt, luce ultraviolet? (UV) non exclusa. Ocelli putantur lucis UV sensilissimi esse, itaque mares se invicem ex longinquo videre possunt. Fama est nonnullas Americae Australis species oculo humano ad 1 km procul videri posse.

Sunt etiam albae Morphus species, inter quas principales sunt M. catenarius et M. laertes. Praeterea, M. rhetenor, species cyaneo colore, maxime iricolor est, M. cypris proxima.

Habitus

recensere

Papiliones Morphoici silvicolae sunt, sed apricandi causa in apertum prodire audent. Praeter prolem propagandam plerumque solitarii vivunt. Mares fines suos defendunt aemulosque venantur. Homines Fluminis Nigri in Brasilia olim his moribus Morphus menelaus usi sunt, quos in apertum inlicibus caeruleis claris seducebant conlectisque papilionum alis utebantur ad larvas caerimoniales exornandas.

Papiliones Morphoici adulti sucis fructuum ferventium vescuntur.

Vita

recensere
 
Erucae Morphonis menelaus.

Omnis Morphonis vita, ab ovo ad mortem, est circa 115 dies. Larvae se ex ovis viridibus pallescentibus excludunt. Erucis sunt corpora testacea cum maculis flavovirentibus claris vel flavis in dorso. Variis Fabaceis vescuntur.[5]

Eruca plumas ponit antequam stationem pupalem intrat. Chrysalis est viridi-grisea, et tacta sonum ultrasonicum et odiosum emittit.[6]

Adulti bina vel terna hebdomada vivunt. Liquoribus fructuum ferventium, animaliumque putrescentium, suco arborum, et fungis vescuntur.[7] Praedatoribus sunt venenosi propter toxina? ex plantis erucae comederunt.

Photographemata

recensere

Imagines variarum morphonum varietatum.

Nexus interni

Notae

recensere
  1. ↑ Aphrodite apud Lacedaemones Morpho appellabatur.
  2. ↑ Le Moult, Eugène, et Pierre Réal, Les Morpho d'Amérique du Sud et Centrale (Lutetiae: Editions du cabinet entomologique E. Le Moult, 1962-1963).
  3. ↑ Savela, Markku. Morpho Fabricius, 1807. . Lepidoptera and Some Other Life Forms .
  4. ↑ P. Vukusic, J. R. Sambles, C. R. Lawrence, et R. J. Wootton, "Quantified interference and diffraction in single Morpho butterfly scales," Proceedings of the Royal Society of London B 266: 1403-11 (1999). https://web.archive.org/web/20110716081623/http://newton.ex.ac.uk/research/emag/butterflies/pdf/Vukusic_Morpho.pdf Pdf.
  5. ↑ http://www.animalcorner.co.uk/rainforests/morpho.html
  6. ↑ http://www.mrnussbaum.com/bluemorpho.htm
  7. ↑ http://www.rainforest-alliance.org/resources.cfm?id=blue_butterfly

Bibliographia

recensere
  • Blandin, P. 2007. The Systematics of the Genus Morpho, Lepidoptera Nymphalidae Cantuariae: Hillside Books.Editio interretialis.
  • Blandin, P. 1988. The genus Morpho, Lepidoptera Nymphalidae. Part 1. The subgenera Iphimedeia and Schwartzia. Sciences Nat, Venette.
  • Blandin, P. 1993. The genus Morpho, Lepidoptera Nymphalidae. Part 2. The subgenera Iphixibia, Cytheritis, Balachowskyna, and Cypritis. Sciences Nat, Venette.
  • Blandin, P. 2007. The genus Morpho, Lepidoptera Nymphalidae. Part 3. The Subgenera Pessonia, Grasseia and Morpho and Addenda to Parts 1 & 2. Cantuariae: Hillside Books. Editio interretialis.

Nexus externi

recensere
  Vicimedia Communia plura habent quae ad Morphones spectant.
Receptum de "https://la.wikipedia.org/w/index.php?title=Morpho&oldid=3768922"