Montes Transantarctici

Montes Transantarctici sunt montes perpetui in Antarctica qui trans continentem a Capite Adare in Terra Victoriae septentrionali ad Terra Coatsianam praeter nonnullas interruptiones extenditur. Hi montes Antarcticam Orientalem et Antarcticam Occidentalem dividunt. Comprehendunt nonnullos greges montanos separatim nominatos, qui saepe in minores iactus vicissim dividuntur.

Montes Transarctici in Terra Victoriae septentrionali prope Caput Robertsianum.

Proprietates geographicae.

Despectus ex aere in Glaciarium Beardmore anno 1957.

Mons Herschel (3335 m) in Montibus Admiraltatis, ex Caput Hallett visi.

Glaciarium David cum Lingua Glaciei Drygalskiana procul visa.

Despectus ex Landsat inGlaciarium Byrdianum.

Montes Thieliani.

Geographia

Hi montes perpetui extenduntur inter Mare Rossianum et Mare Weddellianum per omne spatium Antarcticae; ergo nomen. Montes Transantarctici, circa 3500 chiliometrorum longi, sunt unus ex longissimis montibus perpetuis telluris. Hi montes, a 100 ad 300 chiliometra lati fines sunt Antarcticae Orientalis et Antarcticae Occidentalis. Lamina Glaciaria Antarcticae Orientalis totam Montium Transantarcticorum longitudinem secundum latus Hemisphaerii Orientalis terminat, latusque Hemisphaerii Occidentalis a Mari Rossiano in Terra Victoriae a Capite Adare ad Fretum McMurdoanum, Laminam Glaciariam Rossianam a Freto McMurdoano Sound ad regionem prope Glaciarium Scottianum et Lamina Glaciaria Antarctica Orientalis procul terminat.

Culmina et valles siccae Montium Transacticorum sunt nonnulli e paucis locis in Antarctica a glacie non operti, quarum altissimi plus quam 4500 metra super aequor maris stant. Valles Siccae McMurdoanae, prope Fretum McMurdoanum patentes, sunt praecipua res Antarctica: terrae quae nive et glacie carent ob praecipitationem et ablationem glaciei in vallibus quam minimam. Altissimus Montium Transantarcticorum mons est Mons Kirkpatrick, 4528 metra alta, in Montibus Reginae Alexandrae situs. Culmina secreta a glacie circumdata nunatak appellantur.

Biologia

Spheniscidae, Phocidae, et aves maritimae secundum litus Maris Rossiani in Terra Victoriae habitant, sed solae res vivae in interioribus montium perpetuorum regionibus sunt bacteria, lichenes, algae, fungi.

Nexus interni

Montes et aliae proprietates magni momenti, ordine geographice a Mari Rossiano ad Mare Weddellianum perscriptae:

Terra Victoriae

• Caput Adare
• Caput Hallett
• Fretum McMurdoanum
• Glaciarium Aviatoris
• Glaciarium Ferrarianum
• Glaciarium Lillie
• Glaciarium Nautae
• Glaciarium Priestleyanum
• Glaciarium Tuckeranum
• Montes Admiraltatis
• Montes Concordes
• Montes Principis Alberti
• Montes Victoriae
  • Glaciarium David et Lingua Glaciei Drygalskiana
  • Glaciarium Mackayanum
  • Valles Siccae McMurdoenses
• Sinus Terrae Novae

Montes medii

• Glaciarium Mulockianum
• Glaciarium Byrdianum
• Glaciarium Nimrodianum
• Montes Reginae Alexandrae
• Glaciarium Beardmorense

Montes Reginae Matildae

• Glaciarium Shackletonianum
• Glaciarium Livianum
• Glaciarium Amundsenianum
• Glaciarium Scottianum
• Montes Bushiani
• Montes Reipublicae
• Montes Dominion
• Montes Herbertiani
• Montes Principis Olavi
• Montes Hughesiani
• Montes Supporters

Montes australes

• Glaciarium Reedyanum
• Montes Horlickiani
• Montes Thieliani
• Montes Pensacolani
  • Glaciarium Support Force
  • Flumen Glaciei Foundation
• Montes Shackletonii
• Montes Theroniani
  • Flumen Glaciei Baileyanum

Bibliographia

• Hogan, C. Michael. 2011. Ross Sea, ed. P. Saundry et C. J. Cleveland. Encyclopedia of Earth. Vasingtoniae: National Council for Science and the Environment. Editio interretialis.
• Sokol, Eric, Craig W. Herbold, Charles K. Lee, S. Craig Cary, et J. E. Barrett. 2013. Local and regional influences over soil microbial metacommunities in the Transantarctic Mountains. Ecosphere 4:136. doi:10.1890/es13-00136.1. Abstractum.

Nexus externi

Vicimedia Communia plura habent quae ad Montes Transantarcticos spectant.

• Tabula montium Transantarcticorum.
• De Montibus Transantarcticis, www.peakbagger.com.