Mari El
Res publica Mari El[1] (Russice Республика Марий Эл, linguis Mari Марий Эл Республик vel Мары Эл Республик) est subiectum Foederationis Russicae, anno 1920 ut regio autonoma creatum, anno 1936 in rem publicam autonomam transformatum, ab anno 1993 autem statum et nomen hodiernum tenens, et ab anno 2000 in districtum (circulum) foederalem Subvolgensem Russicum inclusum.
Mari El
Civitas: Russia
Locus: 56°42′0″N 47°52′0″E
Nomen officiale: Марий Эл
Situs interretialis
Fines
Territoria finitima: Regio Novogardiensis Inferior, Regio Kirovensis, Tatarstania, Tschuvassia
Forma
Caput: Caesarocoxaga
Subdivisiones: Yoshkar-Ola Urban Okrug, Volzhsky District, Gornomariysky District, Zvenigovsky District, Kilemarsky District, Kuzhenersky District, Mari-Tureksky District, Medvedevsky District, Morkinsky District, Novotoryalsky District, Orshansky District, Paranginsky District, Sernursky District, Sovetsky District, Yurinsky District, Kozmodemyansk Urban Okrug, Volzhsk Urban Okrug
Gestio
Consilium: State Assembly of the Mari El Republic
Vita
Sermo publicus: Russica, Linguae Mari, lingua Mari montana
Zona horaria: Tempus Mosquanum, UTC+3, Europe/Moscow
Commemoratio
Sigla
Tabula aut despectus
_-_Mari_El_(Crimea_disputed).svg)
Res publica Mari El, cum regione Kirovensi in septentrione et oriente, re publica Tatarstania in meridie-oriente et re publica Tschuvaschica in meridie-occidente atque regione Novogardiensi Inferiori in occidente contermina, aream 23 375 chm2 habet.
Rei publicae Mari El sunt circa 686 milia incolarum (anno 2016), quorum (secundum censum anni 2010) 45,1 % Russi, 41,8 % homines gentium duarum Mari (quae olim Tscheremissi[2] vel Czeremissi[3] nominabantur) et 5,5 % Tartari sunt. Tres linguae, — Mari "Logovorum" (olim ut lingua Tscheremissa[2] nota) et Mari "Nagornorum" et Russica, — publicae sunt.
Metropolis et urbs maxima rei publicae est Caesarocoxaga, alia urbs magna Urbs Cosmae et Damiani (Козьмодемьянск) est. Rha et Vetluga et Coxaga Maior et Coxaga Minor et Iunca flumina rei publicae sunt.
Notae
recensere- ↑ Norae Zabinkovae et Moysis Kirpicznikov Nomina physico-geographica principalia URSS s.v. Марий Эл. Cf. Ephemeris, 2004.
- ↑ 2.0 2.1 "Tscheremissi" et "lingua Tscheremissa", in: Matthiae Alexandri Castrén(sv) Elementa grammatices Tscheremissae, Kuopio 1845, pp. IV, VI, 62.
- ↑ "Czeremissi Logovi" et "Czeremissi Nagorni", in: Michaelis Antonii Baudrand Geographia, Parisiis 1682, p. 319.
Nexus externi
recensere|
|
Situs geographici et historici: Locus: 56°42′0″N 47°52′0″E • OpenStreetMap • GeoNames • Store norske Lexikon • Большая российская энциклопедия |
|
Vicimedia Communia plura habent quae ad rem publicam Mari El spectant. |