Mare Lapteviorum
Mare Lapteviorum[1] (Russice море Лаптевых, tr. more Laptevych) est mare Oceani Arctici (Glacialis Septentrionalis), inter paeninsulam Taimyricam archipelagumque Terram Borealem ad occidentem et insulas Sibiriae Novae ad orientem. Terra Borealis a mari Karensi et Insulae Sibiriae Novae a mari Sibirico Orientali mare Lapteviorum separant. Fretum Vilkitzkii mare Lapteviorum cum mare Karense coniungit et fretum Demetrii Laptevii cum mari Sibirico Orientali.
Nomen maris hodiernum, anno 1935 confirmatum, datum est in honorem fratrum patruelium Demetrii et Charitonis Lapteviorum – praefectorum navalium Russicorum, qui annis 1735–1740 litora huius maris exploraverunt.
Area Maris Lapteviorum est 672 000 chm², profunditas mediocris 540 m, maxima 3385 m est.
Flumina Chatanga, Anabira, Olenecus, Lena, Iana (ab occidente ad orientem enumerata) in hoc mare effunduntur. Portus principalis est Tiksi.
NotaRecensere
- ↑ "De algis glacierum Maris Lapteviorum notula" (in: Meri (Series), vol. 51-55, p. 38); Norae Zabinkovae et Moysis Kirpicznikov Nomina physico-geographica principalia URSS s.v. Лаптевых, море.
Nexus externiRecensere
|
Situs geographici et historici: Locus: 76°0′0″N 125°0′0″E • GeoNames • Thesaurus Getty • Encyclopædia Britannica |
|
Vicimedia Communia plura habent quae ad mare Lapteviorum spectant. |