Terra Borealis

Terra Borealis (Russice Северная Земля, tr. Severnaja Zemlja) est archipelagus in Oceano Glaciali Septentrionali (Arctico). Area archipelagi est circa 37 milia chm², quorum 47 % glacie tecta sunt.

Terra Borealis

Haec pagina archipelago Russico in Oceano Arctico explicat. Si aliud quaeris quod etiam "Terra Borealis" appellatur, vide Terra Borealis (discretiva).

Fiordum Achmatovae in Bolsevico insula

Situs

Inter maria Karense et Lapteviorum archipelagus situs est, Nunc ad districtum municipalem Taimyricum territorii Crasnoiarensis Foederationis Russicae pertinet. Freto Vilkitzkii a paeninsula Taimyrica Terra Borealis separata est.

Sinus Solaris (Solnechnaja Buchta) Bolsevici insulae

Insulae

Insulae Terrae Borealis maximae sunt Oktjabr'skoj Revoljucii (Октябрьской Революции, i.e. 'Revolutionis Octobris'), Bol'ševik (Большевик, i.e. 'Bolsevicus'), Komsomolec (Комсомолец) et Pioner (Пионер).

Insularum minorum insula Schmidtii septentrionem versus ab insulis principalibus sita et nomine Ottonis Schmidtii exploratoris clari nominata. memoranda est.

Vilkitzkij anno 1913 vexillum Russicum in insula inventa tollit

Historia

Archipelagus, nunc ut "Terra Borealis" notus, inventus est anno 1913 ab expeditione Russica, cuius praefectus fuit Boris Vilkitzkij. Initio tamen pars maxima archipelagi insulam singulam esse putabatur, quae anno 1914 "Terra Imperatoris Nicolai II" (Russice Земля Императора Николая II, tr. Zemlja Imperatora Nikolaja II) nominata est, anno 1926 tamen haec "insula" in "Terram Borealem" renominata. Annis 1931–1933 autem exploratores Sovietici detegerunt terram illam e nonnullis insulis separatis formatam esse. Tunc insulae illae nomina sua propria obtinuerunt, postquam "Terra Borealis" appellatio totius archipelagi facta est.

Nexus externi

Vicimedia Communia plura habent quae ad Terram Borealem spectant.

• Pagina de Terra Boreali Encyclopaediae Sovieticae Magnae editionis tertiae (Russice)
• Pagina de Terra Boreali Encyclopaediae Russicae Magnae (Russice)