Laomedon

In mythologia Graeca Laomedon (Λαομέδων) est filius regis Ili et secundus rex Troianus. Pater fuit Hesiones, Priami, Lampi, Hicetaonis, Clytii et Tithoni.

Hercules Laomedontem necaturus in terra sigillata e Gallia meridionali. Primo saeculo exeunte vel secundo ineunte.

Fabula

Narratur Iupiter iratus Apollinem et Posidonem anno servitutis apud dominum mortalem ob eorum contumaciam damnasse. Qui dominus fuit rex Laomedon et Apollini quidem greges regios curandos tradidit, Posidonem vero iussit novam adhuc urbem Troiam ingentibus moenibus circumdare. Quo opere peracto, mercedem promissam (sive aurum sive pecus eo anno natum) deis negavit. Itaque iratus Apollo pestem immanem in populos Phrygiae immisit, Poseidon autem aquas marinas in fertiles agros et monstrum virgines voraturum. Tum de variis pestibus rex oraculum consuluit. Responsum est, nisi filiam suam Hesionen in litore revinctam monstro marino rex obtulisset, vastationem regni non desituram. Forte tum Argonautae cum Hercule ad litus Troianum appulerunt : cum heros Alcides misellam puellam regiam ex pavore clamantem audiit, protinus arma cepit et cetum necavit. Filia liberata magna dona Herculi Laomedon pollicitus erat, scilicet par equorum levissimorum ac immortalium, quos ab ipso Iove acceperat, tamquam pretium Ganymedis rapti, necnon etiam secundum nonnullos auctores filiam in matrimonium. Sed cum Hercules, Argonautis relictis, Troiam rediit, Laomedon per avaritiam pollicita praemia denuo recusavit : quapropter Heracles cum exercitu Ilium oppugnavit et delevit. Regem ac liberos necavit, praeter Hesionen quam Telamoni comiti in matrimonium dedit, et Priamum ab Hesione sorore redemptum. Qui Priamus patri in regnum successit.

E Laomedonteis fraudibus "maledictio" vel potius fatum miserabile urbis Troiae exortum dicebatur.

Fontes.

• Euripides, Troades 809-815
• Homerus libro XXI Iliadis 441-458 necnon libro quinto 269 et 640-651 et libro vicesimo 236-238.
• Hyginus, Fabulae 89.
• Ovidius, libro undecimo Metamorphoseon, 194-220. Cum notis Francogallicis
• Strabo, Geographica libro tertio decimo 1.32
• Valerius Flaccus, libro secundo Argonauticon 451-578.

Plura legere si cupis

• Andrew Porter, “Laomedon’s Reign: Olympiomachia, Poseidon’s Wall, and the Earlier Trojan War in Homer’s Iliad”, Greek Roman and Byzantine Studies, 2014: 507-526
• Charles Vellay. "Le règne de Laomédon", Classica et Mediaevalia, 1946: 44-86 Recensio critica
• Bronwen Wickkiser, "Laomedon, Hesione, and the Sea-Monster" in The Oxford Handbook of Heracles, 2021: 209-223 [1]

Nexus externi

• Stemma genealogicum regum Troianorum
• Vollmer, Wilhelm: "Laomedon" - apud: Wörterbuch der Mythologie. Stutgardiae 1874, p. 307