Ioannes Georgius Gmelin

Ioannes Georgius Gmelin seu Gmelinus (Theodisce Johann Georg Gmelin, 10 Augusti 1709–20 Maii 1755) fuit rerum naturae investigator, explorator, botanista, ethnographus, geographus Germanicus.

Ioannes Georgius Gmelin

Res apud Vicidata repertae:

Ioannes Georgius Gmelin: imago

Nativitas: 10 Augusti 1709, 12 Augusti 1709, 12 Augusti 1709; Tubinga
Obitus: 20 Maii 1755, 20 Maii 1775; Tubinga
Patria: Duchy of Württemberg

Familia

Genitores: Johann Georg Gmelin;
Proles: Eberhard Gmelin, Christian von Gmelin

Vide etiam paginam discretivam: Gmelin.

Gmelin, alumnus Universitatis Tubingensis, annis ab 1727 usque ad 1747 in Imperio Russico favebat operi. Academiae Scientiarum Petropolitanae socius, initio (ab anno 1727) adiunctus chemiae et historiae naturalis et dein (ab anno 1731 ad annum 1748) professor illius academiae fuit. Annis ab 1733 ad 1743 expeditionem in Siberiam perfecit (e Petropoli per Iaroslaviam, Casanum, Tobolium, arces Septempalatiorum et Ustkamenogorensem, Tomium, Ieniseam, et Ircutiam ad Iacutiam urbem, unde per Ircutiam, Tomium, Catharinopolim, officinas Tagilenses, Verchoturiam, Solicamium, Ustiugam Magnam, Vologdam, et Schlusselburgum Petropolim rediit). Secundum illam expeditionem, opus scientificum scripsit, quattuor volumina comprehendens, nomine Flora Sibirica sive Historia plantarum Sibiriae, annis ab 1747 ad 1769 in lucem editum.

Postquam anno 1747 Tubingam rediit, ad mortem suam professor chemiae et historiae naturalis universitatis urbanae fuit.

Opera

• I.G. Gmelin, Flora Sibirica sive Historia plantarum Sibiriae, tomus I. (Petropoli, 1747) (Latine)
• I.G. Gmelin, Flora Sibirica sive Historia plantarum Sibiriae, tomus II. (Petropoli, 1749)^{[nexus deficit]} (Latine)
• I.G. Gmelin & S.G. Gmelin, Flora Sibirica sive Historia plantarum Sibiriae, tomus III. (Petropoli, 1768)^{[nexus deficit]} (Latine)
• I.G. Gmelin & S.G. Gmelin, Flora Sibirica sive Historia plantarum Sibiriae, tomus IV. (Petropoli, 1769)^{[nexus deficit]} (Latine)
• Ioannis Georgii Gmelini Reliquias quae supersunt commercii epistolici cum Carolo Linnaeo, Alberto Hallero, Guilielmo Stellero et al., Floram Gmelini sibiricam eiusque Iter sibiricum potissimum concernentis ... (Stuttgartiae, 1861) (Latine)

Nexus interni

• Flora

Nexus externi

Vicimedia Communia plura habent quae ad Ioannem Georgium Gmelin spectant.