Hustonia

Hustonia^[1]^[2] sive Houstonia^[3]^[4] est urbs ad ripas Buffalo Bayou in partibus australibus et orientalibus civitatis Texiae eminens, haud longe a litore sinus Mexicani distans. Hustonia est urbs Texiae prima, omnium Civitatum Foederatarum quarta quo ad numerum incolarum pertinet: censu enim anni 2010 hominum 2 099 451 ibi habitabant.

Terris a negotiatoribus fratribus anno 1836 emptis, videlicet Augusto Chapman Allen et Ioanne Kirby Allen, Hustonia anno 1836 condita est, nomine ad honorem Samuelis Houston ducis militum dato, qui mense Septembri eius anni praeses Texiae electus erat. Houstonia anno insequenti urbs rite incorporata, sedes comitatus Harrisburg (recentius Harris) atque caput ad interim Texiae omnis facta est. Praefectus urbi Iacobus Holman electus est.

Ab anno 1959 Houstonia sedes est dioecesis Galvestoniensis Houstoniensis, quae anno 2004 in archidioecesim erecta est. Sedes antiquior, nomine Galveston, urbs multo minor 80 chm. distans, ad oram maritimam iacet. Regio metropolitana Hustoniensis, "Hustonia maior" (Greater Houston) appellata, anno 2010 incolarum 6 490 180 habuit. Hustoniam ipsam una cum urbibus adiacentibus The Woodlands, Sugar Land, Baytown, Conroe, Galveston aliisque nonnullis comprehendit.

Incolae notabiles

Ferrivia strataria Hustoniensis

1981: Beyoncé Knowles, cantatrix, saltatrix et actrix

Notae

↑ "Nomina Locorum" apud Boreoccidentales. Caroli Egger Lexicon Nominum Locorum (1977, 1982: ISBN 88-209-1254-6).
↑ Vb. adiect. "Hustoniensis": cf. "in Centro Studiorum Thomisticorum Universitatis Hustoniensis (Texiæe)" [sic] apud Documenta Catholica Omnia
↑ Cf. titulus libellorum Houstonia Magazine in hac urbe editorum
↑ Vb. adiect. "Houstoniensis", cf. nomen "Archidioecesis Galvestoniensis Houstoniensis" e The Hierarchy of the Catholic Church (situs a Davide M. Cheney elaboratus) (Anglice)

Bibliographia

Despectus topographicus in urbe Hustonia anno 1873 delineatus

Antiquiora

S. O. Young, A thumb-nail history of the city of Houston, Texas, from its founding in 1836 to the year 1912. Hustoniae, 1912 Textus apud The Portal to Texas History
S. O. Young, True stories of old Houston and Houstonians: historical and personal sketches. Galveston, 1913 Textus apud The Portal to Texas History

Recentiora

Tom Dart, "Houston's health crisis: by 2040, one in five of the city's residents will be diabetic" in The Guardian (11 Februarii 2016)
Marguerite Johnston, Houston, The Unknown City, 1836–1946. College Station Texiae: Texas A&M University Press, 1991. ISBN 0-89096-476-9
Bernadette Pruitt, The Other Great Migration: The Movement of Rural African-Americans to Houston, 1900–1941. College Station Texiae: Texas A&M University Press, 2013
Ann Quin Wilson, Native Houstonian – A Collective Portrait. Hustoniae: Houston Baptist University Press, 1982