Constantius Gallus

Constantius Gallus (natus anno 325, Massae Veternensis in Etruria, supplicio affectus Flamona in insula apud Pietatem Iuliam in fine anni 354) Caesar Romanus annis 351 - 354 fuit.

Familia

Pater Galli Flavius Iulius Constantius erat, mater Galla. habuit fratrem et sororem ignotorum nominum. Pater post mortem matris iterum uxorem duxit Basilinam, e qua filium Iulianum habuit, Galli semifratrem et postea imperatorem Romanum. Ipse Gallus anno 351 Constantinam, sororem Constantii II duxit. Filiam unam habuerunt.

Ante imperium

Mater iam circa annum 330 mortua est, pater anno 337 militibus Romanis necatus est, qui posteriores Constantii I et Theodorae uxoris secundae necaverunt, ut posteriores Constantini I, i.e. Constans, Constantius II atque Constantinus II imperarent. Soli Gallo et Iuliano semifratribus pepercerunt. Constantius II eos Eusebio episcopo Nicomediae ad erudiendum tradidit. Apud eum ab anno 340 vixerunt.

Caesar

Anno 350 Magnentius usurpator in occidente Imperii Constantem imperatorem pepulerat et necaverat. Constantius II, qui bellum contra eum paravit, Gallum die 15 Martii 351 Sirmii Caesarem fecit, ut orientem partem contra Persas defenderet. Praeterea Constantinam sororem suam ei uxorem dedit. Gallus Antiochiae mansit, cum Constantius in bellum civile profectus est et Magnentium anno 353 vicit et necavit. Gallus autem et uxor sua, qui imperiis magistratus Constantii non oboedirent et ut imperator atque imperatrix se gererent^[1], praetextu ad Constantium vocati sunt. In fine anni 354 Gallus iussu Constantii supplicio affectus est^[2].

Notae

↑ Ammianus Marcellinus, Res Gestae XIV 1
↑ Ammianus Marcellinus, op.cit. XIV 11

Antecessores: * in occidente: Imp. Caesar Flavius Magnus Magnentius Augustus et Gaiso in oriente: Post consulatum Sergii et Nigriniani	Consul 352 cum Imp. Caesare Flavio Iulio Constantio Augusto V in occidente: Magnus Decentius Caesar et Paulus	Successores: * in occidente: Imp. Caesar Flavius Magnus Magnentius Augustus II et Magnus Decentius Caesar II in oriente: Imp. Caesar Flavius Iulius Constantius Augustus VI et Flavius Claudius Constantius Caesar II

Antecessores: * in occidente: Magnus Decentius Caesar et Paulus in oriente: Imp. Caesar Flavius Iulius Constantius Augustus V et Flavius Claudius Constantius Caesar	Consul 353 cum Imp. Caesare Flavio Iulio Constantio Augusto VI in occidente: Imp. Caesar Flavius Magnus Magnentius Augustus II et Magnus Decentius Caesar II	Successores: Imp. Caesar Flavius Iulius Constantius Augustus VII et Flavius Claudius Constantius Caesar III

Antecessores: * in occidente: Imp. Caesar Flavius Magnus Magnentius Augustus II et Magnus Decentius Caesar II in oriente: Imp. Caesar Flavius Iulius Constantius Augustus VI et Flavius Claudius Constantius Caesar II	Consul 354 cum Imp. Caesare Flavio Iulio Constantio Augusto VII	Successores: Flavius Arbitio et Quintus Flavius Maesius Egnatius Lollianus

[1] Ammianus Marcellinus, Res Gestae XIV 1

[2] Ammianus Marcellinus, op.cit. XIV 11

[1]

[2]