Eurytania (regionalis unitas)

Wikidata-logo.svg Eurytania (regionalis unitas)
Res apud Vicidata repertae:

Eurytania (Graece Ευρυτανία) fuit usque ad annum 2010 una e quinque praefecturis (sive nomis) regionis (περιφέρεια) Graeciae Mediae, in montibus Pindi sita, cuius caput erat urbs Carpenesium. Anno 1947 e nomo Aetoloacarnania divisus erat. Nomen habet a gente Eurytanum temporibus antiquis hic habitante. Reformatione administrativa anni 2010 (vide: Libellus Callicratis) praefecturae iura ad regionem Mediam Graeciam et ad duos demos, qui coagmentatione pristinorum demorum exstiterunt, delata sunt. Territorium praefecturae nomine "Regionali Eurytaniae Unitate" permanet, quae tres legatos in consilium regionale mittit, praeterea autem vi politica caret.

GeographiaRecensere

 
Summus mons Tymphrestus
 
Saltus nomine "Πάντα βρέχει" ("Semper pluvit")

Eurytania paene tota montibus constat, inter quos Tymphrestus et Panaetolicum a meridie siti. Fluvii principales sunt Achelous ab occidente et Agraphiotes Megdobasque ab oriente, qui in Ionium mare influunt. Litus maris Eurytaniae non est, fluviorum valles agriculturae parum spatii dant. Eurytnia ad regionales Graeciae untitates minime inhabitatas pertinet. Ab occidente, austro-occidente et meridie finitima est Aetoloacarnaniae, a septentrionibus Carditsae et ab oriente Phthiotidi. Prope Carpenesium est nartatorius locus notus in monte Tymphristo situs.

ClimaRecensere

Clima e mediterraneo ac alpino mixtum est. Magna unitatis pars hieme multa nive afficitur, cum aetate calida sit.

ViaeRecensere

Via nationalis 38 ab Agrinio ad Lamiam meridianam Eurytaniae partem ac Carpenesium urbem transit. Ab anno 2004 via GR-38 per specum 1.4 chiliometroum montem Thymphristum penetrans Eurytaniam cum Phiotidem coniungit.

HistoriaRecensere

Antiquissima sedium vestigia regionem iam annis 6000-5000 a.C.n. inhabitatam esse demonstrant, antiquitate Eurytanes[1] (Graece: Ευρυτάνες) ibi habitabant. Postea pars fuit Imperii Romani et Byzantini, Medio Aevo, quamvis autonoma, "Francis" (i.e. ducibus Europaeis, qui post Constantinopolim anno 1204 expugnatam territoria Imperii Byzanti inter se distribuerunt), deinde despotatui Epiri, postremo Imperio Ottomanico subiecta erat. A Graecia liberata fortunarum civitatis Graecae particeps est.

AdministratioRecensere

Regionalis Euboeae unitas divisa est in hos duos demos (numeri ut in tabula):

  • Agrapha (1) - Δήμος Αγράφων
  • Carpenesium (2) - Δήμος Καρπενησίου

Novi ac pristini demiRecensere

Novus demus Pristinus demus Sedes
Agrapha Agrapha Cerasochorium
Francista
Aperantia
Aspropotamus
Biniana
Carpenesium Carpenesium Carpenesium
Potamia
Furnas
Prusus
Ctemenia
Domnista

Index pristinorum demorum nomi EurytaniaeRecensere

 
Forma pristinorum demorum Eurytaniae

Index numericusRecensere

  • 1 - Δήμος Καρπενησίου - Carpenesium
  • 2 - Δήμος Αγράφων - Agrapha
  • 3 - Δήμος Απεραντίων - Aperantia
  • 4 - Δήμος Ασπροποτάμου - Aspropotamus
  • 5 - Δήμος Δομνίστας - Domnista
  • 6 - Δήμος Βίνιανης - Biniana
  • 7 - Δήμος Κτημενίων - Ctemenia
  • 8 - Δήμος Ποταμιάς - Potamia
  • 9 - Δήμος Προυσού - Prusus
  • 10 - Δήμος Φουρνάς - Furnas
  • 11 - Δήμος Φραγκίστας - Francista

Index alphabeticusRecensere

NotaeRecensere

  1. Strabo, Geographia 10,1

Nexus externiRecensere

  • Index demorum, vicorum, compitorum huius nomi (Neograece)