Duodecim festa principalia Orthodoxa

Duodecim festa principalia Orthodoxa (Graece: Δωδεκάορτον) ex octo festis Iesu Christo dedicatis et quattuor festis, quibus Virgo Maria (Θεοτόκος) celebratur, consistunt. Festum resurrectionis Iesu Christi, Pascha dictum, ut festum maximi momenti "festum festorum" vocatur.

Duo sunt genera festorum: Festa mobilia atque fixa. Fixa singulis annis eodem die occurrunt, cum mobilia quotannis varient. Mobilia a die paschali deducuntur, quare cyclus festorum mobilium cyclus paschalis appellatur.

Index festorum

Index Calendario Gregoriano respondet. Pars ecclesiarum Calendarium Iulianum (sive antiquum) sequitur; quod si ita est tredecim dies addendi sunt: Nativitas Beatae Mariae Virginis exempli gratia non in die 8 Septembris, sed in die 21 Septembris celebratur.

• Die 8 Septembris: Nativitas Sanctae Dei Genetricis
• Die 14 Septembris: Exaltatio Crucis
• Die 21 Novembris: Praesentatio Sanctae Dei Genetricis
• Die 25 Decembris: Nativitas Domini
• Die 6 Ianuarii: Epiphaniae Domini sive Theophania (Baptisma Domini)
• Die 2 Februarii: Praesentatio Domini in templo sive Hypapante
• Die 25 Martii: Annuntiatio Domini
• Dies Domini ante Pascha: Dominica Palmarum sive introitus Domini in Hierosolyma
• Quadraginta dies post Pascha: Ascensio Domini
• Quinquaginta dies post Pascha: Pentecoste
• Die 6 Augusti: Transfiguratio sive Metamorphosis
• Die 15 Augusti: Dormitio Sanctae Dei Genetricis

Praeter duodecim festa principalia in Ecclesiis Orthodoxis sunt alia quinque festa maiora:

• Circumcisio Domini (Die 1 Ianuarii),
• Nativitas Sancti Ioannis Baptistae (die 24 Iunii),
• Festum apostolorum Petri et Pauli (die 29 Iunii),
• Passio Sancti Ioannis Baptistae (die 29 Augusti),
• Patrocinium Dei Genetricis sive Omophorium Dei Genetricis (die 1 Octobris — Vide etiam: Auxilium Christianorum)

Structura festorum

• Resurrectio Domini festum est maximum;
• Octo festa Domini principalia et
• Quattuor festa Mariae principalia;
• Quinque alia festa maiora:

Resurrectio Domini
Nativitas	Hypapante	Baptisma	Transfiguratio	Introitus in Hierosolyma	Ascensio	Pentecoste	Exaltatio Crucis
Nativitas Dei genetricis		Praesentatio Dei Genetricis		Annuntiatio		Dormitio
Nativitas Ioannis Baptistae		Circumcisio Domini	Decollatio Ioannis Baptistae		Dies Petri et Pauli	Patrocinium Dei Genetricis

Nexus interni

• Calendarium liturgicum Orthodoxum
• Computus paschalis