Constantinus (Germanice Constantin) Fehrenbach (natus die 11 Ianuarii 1852 in Wellendingen bei Bonndorf (Badenia); Friburgi Brisgoviae obiit die 26 Martii 1926) fuit iuris consultus, vir publicus factionis Centri ac cancellarius Rei Publicae Wimarii a die 25 Iunii 1920 usque ad diem 4 Maii 1921.

Wikidata Constantinus Fehrenbach
Res apud Vicidata repertae:
Constantinus Fehrenbach: imago
Constantinus Fehrenbach: imago
Constantinus Fehrenbach: subscriptio
Constantinus Fehrenbach: subscriptio
Nativitas: 11 Ianuarii 1852; Bonndorf im Schwarzwald
Obitus: 26 Martii 1926; Friburgum Brisgoviae
Patria: Germania

Memoria

Sepultura: Hauptfriedhof Freiburg
Constantinus Fehrenbach anno 1921

Iuventus et munus recensere

Pater eius magister vici fuit. Consiliis parentum Constantinus filius sacerdos fieri debuit: anno 1871 in convicto puerum maturitatem adeptus est. Tum theologiae catholicae Friburgi studebat. Sed mox ei constitutum est, ut coelibatum negaret. Itaque studium theologiae finivit et nunc iurisprudentiae se dedit. Anno 1879 primam probationem accepit. Anno 1882 assessor secunda probatione accepta factus causidicus Friburgi vixit.

Familia recensere

Anno 1880 uxorem duxit atque ex ea unam filiam habuit.

Cursus honorum recensere

Fehrenbach, qui nunc sodalis Centri erat, anno 1884 decurio urbis Friburgi electus est. Annis 1885 - 1887 et 1901 - 1913 legatus senatus terrae Badeniae fuit. Ab anno 1907 etiam praeses senatus terrae erat. Ab anno 1903 etiam legatus Dietae Imperii Germanici fuit et mense Iunio 1918 etiam praeses Dietae Imperii electus est. Quamquam inter res novas Novembris 1918 monarchiam servare studuit, id adipisci non potuit. 19 Ianuarii 1919 autem et legatus Consilii Formae Civitatis Constituendae et deinde eius consilii praeses electus est. Hoc officio et in Dieta Imperii nuper electa anno 1920 tenuit, dum 25 Iunii cancellarius ipse electus est. 4 Maii 1921 propter controversias foederis regendi magistratum deposuit. Sed ad mortem legatus parlamenti et praeses legatorum Centri mansit.

Nexus externi recensere

  Vicimedia Communia plura habent quae ad Constantinum Fehrenbach spectant.
Consilium Ministrorum Fehrenbach (25 Iunii 1920 - 4 Maii 1921)

Constantinus Fehrenbach (Centrum) | Rudolphus Heinze (DVP) | Gualterus Simons (nullius factionis) | Ericus Koch (DDP) | Carolus Iosephus Wirth (Centrum) | Ernestus Scholz (DVP) | Andreas Hermes (Centrum) | Henricus Brauns (Centrum) | Otto Geßler (DDP) | Gulielmus Groener (nullius factionis) | Ioannes Giesberts (Centrum) | Ioannes de Raumer (DVP)