Caraitae

Caraitae (Hebraice: יהדות קראית‎‎, Yahadut Qara'it; lingua Caraitica Къарайм Qarajm, Къараймлер Qarajmler) sunt secta Iudaeorum, qui Talmud abnuunt. Ex 7./8. saeculo Caraitae, cum doctrinas rabbinorum reiecissent, multos asseclas in communitatibus Iudaismi orientalis attraxerunt, post Medium Aevum autem numero maxime minuti sunt. Synagoga apud eos Kenesa appellatur.

Caraitae Crimaei ab Augusto Raffet picti 1837

Caraitae Crimaei

Pars Caraitarum, quae in Crimaea sibi sedes constituerunt, linguam Turcicam ibi usitatam susceptam in linguam Iudaicam Crimensem commutaverunt. Quidam eorum postea Trocam (in Lituania), Luceoriam (in Ucraina) et Vitebscum (in Ruthenia Alba) transmigraverunt, postea etiam Vilnam, Varsoviam, Kioviam et in alias Europae Orientalis urbes.

Magna Kenesa (sinistra, 14. saec.) et Parva Kenesa (dextra, 17. saec.) in Çufut Qale (Tatarice Taurice: "Arx Iudaica"), in Crimaea

.

Diffusio in orbe terrarum

Praeter Crimaeam multi Caraitae etiam Asiam minorem inhabitabant. Hodie toto orbe terrarum sunt fere 45.000 Caraitae, quorum maxima pars (fere 25.000) in Israel vivunt, reliqui imprimis in Polonia, Ucraina et Australia. Numerus Caraitarum in Ucraina et in Lituania anno 2002 fere 3000 - 4000 hominum fuisse aestimatus est. In censu anni 1989 in tum Unione Rerum Publicarum Sovieticarum Socialisticarum 2602 homines se Caraitas esse confirmaverunt.

Bibliographia

• Julius Fürst: Geschichte des Karäerthums. Drei Bände. Leiner, Lipsiae 1862 (vol. 1), 1865 (vol. 2), 1869 (vol. 3).
• Jakov Duwan: Karäischer Katechismus. Petropoli 1890.
• Simon Szyszman: Le Karaisme. Ses doctrines et son histoire. Éditions L’Age d’homme, Lausannae 1980.
• Nathan Schur: History of the Karaites (= Beiträge zur Erforschung des Alten Testaments und des antiken Judentums. Vol. 29). Lang, Francoforti ad Moenum 1992, ISBN 3-631-44435-4.

Kenesa Trocae sita

.

Nexus externi

Vicimedia Communia plura habent quae ad Caraitas spectant.

• Gerhard Wedel: Karaite branch of Judaism. In: H-Soz-Kult. 24.03.2002 (Anglice).
• Karaimi Polscy: Historia – Język – Religia – Współczesność. In: karaimi.org. (Polonice).
• Lietuvos Karaimai / Karaims of Lithuania. (Anglice, Lithuanice).
• Центральное Духовное Правление Русских Караимов Заграницей – In: qaraim.eu.googlepages.com. 06.12.2008 (Russice).
• The Karaite Jews of America. (Anglice).
• הפורטל הראשון של היהודים הקראים בישראל – יהדות קראית, לימוד תורה, הדרך אל האמת. In: karaim.net. 01.12.2017 (Hebraice, Situs Caraitarum in Israel).
• [https://karaitelibrary.estranky.cz/ Bibliotheca Caraitica in interrete.