Amphiesmenoptera

Amphiesmenoptera sunt superordo insectorum qui ab S. G. Kiriakoff anno 1948 constitutus est, sed saepe Gulielmo Hennig tributus propter eius editionem taxinomiae Lepidopterorum et Trichopterorum, binorum insectorum ordinum sororalium. Anno 2017, Tarachoptera, ordo fossilis, gregi additus est.

Celastrina argiolus (Lepidoptera)

---

Animalia — Arthropoda

Subphylum : Mandibulata 
Superclassis : Hexapoda 
Classis : Insecta 
Subclassis : Pterygota 
Infraclassis : Neoptera 
Superordo : Amphiesmenoptera 
S. G. Kiriakoff, 1948

   

Subdivisiones: ordo

Trichoptera et Lepidoptera varias proprietates derivatas (synapomorphias) inter sese commutant, quae eorum descensum communem monstrant:

• Feminae, non mares, sunt heterogameticae (quod significat eorum chromosomata sexualia inter se differre).
• Setae densae in alis adsunt (in squamas in lepidopteris commutatae).
• In alis anterioribus est certum venationis exemplar: venae binis sinibus praebitae.
• Larvis sunt structurae orales glandulaeque, quibus sericam faciunt et tractant.

Hi ordines exstantes sunt sorores, quibus tarachoptera sunt basalia. Amphiesmenoptera ut videtur aevo Iurassico exorta sunt. Lepidoptera a trichopteris nonnullis proprietatibus differunt, inter quas sunt venatio alarum, forma squamarum in alis, cerci amissi, ocellus amissus, et crura mutata.

Amphiesmenoptera putantur grex sororalis Antliophororum, subordinis propositi, qui ordo Diptera, Siphonaptera, et Mecoptera comprehendere potest. Praeterea, Amphiesmenoptera et Antliophora gregem Panorpida (vel Mecopterida) una constituere possunt.

Bibliographia

• Grimaldi, D., et M. S. Engel. 2005. Evolution of the Insects. Cantabrigiae: Cambridge University Press. ISBN 0-521-82149-5.
• Kiriakoff, S. G. 1948. "A classification of the Lepidoptera and related groups with some remarks on taxonomy." Biologisch Jaarboek 15: 118–43.
• Mey, Wolfram, Wilfried Wichard, Patrick Müller, et Bo Wang. 2017. "The blueprint of the Amphiesmenoptera – Tarachoptera, a new order of insects from Burmese amber (Insecta, Amphiesmenoptera)." Fossil Record 20 (2): 129–45. doi:10.5194/fr-20-129-2017.
• Whiting, M. F., J. C. Carpenter, Q. D. Wheeler, et W. C. Wheeler. 1997. "The Strepsiptera problem: phylogeny of the holometabolous insect orders inferred from 18S and 28S ribosomal DNA sequences and morphology." Systematic Biology 46, no. 1 (Martius): 1–68. PMID 11975347. doi:10.1093/sysbio/46.1.1. Editio interretialis.