Universitas Lipsiensis (Alma Mater Lipsiensis) (AML) est maxima universitas publica Lipsiae sita. Quae universitas, die 2 Decembris 1409 condita, est vetustissima omnium universitatum in finibus Germaniae hodiernae praeter universitatem Heidelbergensem, anno 1386 institutam.

Wikidata Alma Mater Lipsiensis
Res apud Vicidata repertae:
Alma Mater Lipsiensis: sigillum
Alma Mater Lipsiensis: sigillum
Alma Mater Lipsiensis: logotypus
Alma Mater Lipsiensis: logotypus
universitas publica, editrix aperta, studium generale, university of applied sciences
Civitas: Germania
Locus: 51°20′19″N 12°22′43″E
Situs: Lipsia

Rectio

Rector: Eva Inés Obergfell
Nomen officiale: Universität Leipzig – Alma Mater Lipsiensis;
Situs interretialis
Praetorium: Lipsia;

Populus

Origo

Conditor: William II, Margrave of Meissen
Inceptio: 2 Decembris 1409

Commemoratio

Adagium: Aus Tradition Grenzen überschreiten

Tabula aut despectus

Alma Mater Lipsiensis: imago
Alma Mater Lipsiensis: imago

Historia recensere

Principium recensere

 
Vestitus studentium universitatis inter annos 1409 et 1709

Cum Venceslaus IV, imperator Romanus, controversiis propter rebellionem Hussitorum in universitate Carolina Pragense eruptis nationem Bohemicam omnibus anno 1409 anteponeret, mille fere magistri scholaresque Lipsiam profecti sunt. Eodem anno quod dicitur studium generale per Alexandrum V papam confirmatum est. Johannes Otto Munsterbergensis primus rector electus est.

Universitas eo tempore in partes quartas, nationes appellatas, divisa fuit: factio Misniensis, factio Saxonica (qua etiam studentes Scandinavici et Anglici complecti sunt), Bavariensis (quae quoque civitates Europae meridionalis continuit) et factio Polonica (etiam civitates Europae orientalis ad eam pertinuerunt). Initio a ducibus Friderico et Gulielmo universitati decreti sunt quotannis 500 aureorum.

Anno 1415 valetudinarium Lipsiense ad universitatem pertinens conditum est. Anno 1543 monasterio ordinis fratrum praedicatorum suscepto institutio valde amplificata est. Paulo post ecclesia Sancti Pauli per Martinum Lutherum monachum ecclesia universitatis dedicata est.

Collegia recensere

 
Collegium rubrum anno 1880

Propria universitatis aedificia collegia nominabantur. Ibi magistri disputandi docendive causa conveniebant, ibique habitabant. E dandis vectigalibus et iurisdictione reliquae urbis excepti erant. Iam anno 1409, dux Saxoniae universitatem duo aedificia dono dedit, quare collegia ducis nominabantur. Anno 1416, Collegium virginum universitati additum est, ex templo Beatae Mariae Virginis in proximo sito appellatum. Priusquam motio religiosa reformatio nuncupata orta est exstabat etiam collegium Cisterciense.

Incrementum usque ad saeculum undevicensimum recensere

 
Augustaeum ecclesiaque anno 1890
 
Universitas anno fere 1900

Universitas magis magisque florere coepit. Cum anno 1725 Ioannes Christophorus Gottsched docere suscepisset, fama sua brevi post latissime disseminata est, qua de causa iuvenes summi ingenii (Lessing, Klopstock, Goethe) eo conveniebant. Dum numerus studentum constanter crescebat, aedificium a Carolo Friderico Schinkel designatum nomine Augustaeum anno 1836 erectum est. Anno 1848, cum ubique in Germania tumultus eruperent studentes res novas cupientes, saepimenta in viis posuerunt. Anno 1891, Bibliotheca Albertina exstructa est.

Usque ad finem secundi belli mundialis recensere

Bello orbis terrarum primo facto studentes se cupidos rerum priscorum conservandorum praebuerunt vexillumque regium Saxoniae proposuerunt; cum seditio operarium in urbe exardesceret pars studentium arma cepit eamque acerbe dimicans repugnavit. Iam anno 1931 Nationalistica Socialisticaque Operariorum Factio Germanica in consilio universitatis praevaluit. Postquam ea factio omnium rerum Germaniae potita est decima fere pars magistrorum e universitate expulsa est. Mense Novembri 1933 100 professores epistulam ad electionem Adolphi Hitler vocantem subscripserunt. Bello orbis terrarum secundo erupto universitas una inter quattuor universitates Germaniae Maioris nominata est.

Universitas Caroli Marx recensere

 
Aedificium principale Universitatis Caroli Marx anno 1975.

Finito bello, maior aedificiorum pars maximaque librorum pars perdita est. Mense Februario 1946 universitas reaperta est. Cum paulo post res publica democratica Germanica condita esset universitas propter doctrinam Socialisticam totae rei publicae impositam non iam libera fuit. Anno 1953 renominata est Universitas Caroli Marx Lipsiensis. Aedificia veteria solum partim laesa anno 1968 deleta sunt. In locum eorum domus praealta aedificata est, postquam cetera aedificia more socialistico erecta sunt.

Status post restitutionem unitatis Germaniae recensere

 
Domus praealta "Gigas universitatis" nuncupatur

Anno 1990 unitate Germaniae per motum popularem restituta reconstructio universitatis, cuius nomen anno 1991 iterum Alma mater lipsiensis factum est, coepit.

Chorus universitatis recensere

Universitati Lipsiensi est proprius chorus universitatis.

Loci recensere

Aedificia recensere

 
Tabula universitatis
 
Aedificium seminariorum novum
 
Domus praealta olim ad universitatem pertinuit.

Aedificium artium humanisticarum recensere

 
Facultas artium humanisticarum hoc aedificium habet

Unum fere chilometrum ab aedificio principale abest aedificium artium humanisticarum. Ibi facultates historiae, philosophiae aliarumque artium liberalum sedem habent.

Facultates recensere

Habet universitas quattuordecim facultatum:

  • Facultas theologica
  • Facultas iuridicialis
  • Facultas ad historiam, artem et culturam Orientis spectans
  • Facultas philologica
  • Facultas educationis
  • Facultas philosophica
  • Facultas oeconomica
  • Facultas athletarum
  • Facultas medica
  • Facultas mathematicae
  • Facultas ad biologiam psychologiamque spectans
  • Facultas physica
  • Facultas chemica
  • Facultas veterinariarum

Magistri noti recensere

Nexus externi recensere