Aedis silvarum nebulosarum regimentarium

Aedis silvarum nebulosarum regimentarium (litteris Sinicis 云林堂飲食制度集, pinyin Yúnlíntáng yǐnshí zhìdù jí) est libellus praeceptorum culinariorum a Ni Zan pictore calligraphoque scriptus. Qui regionis Jiangnan incola praedium paternum usque in annum fere 1350 inter libros picturasque reclusus nitide et fastidiose vivebat sed postea vitam eruditi vagantis suscepit; semper autem prope lacum Tai habitabat. Libellus praeceptorum culinariorum domesticorumque Aedis silvarum nebulosarum anno incerto composuit.

Ni Zan ab anonymo anno circiter 1340 pictus, inscriptione a Zhang Yu addita

Vitam providissimam iuventutis suae forte commemoravit aut refinxit: nihilominus praecepta familiis satis modestis utilia dedit, a principio liquaminis e soia et thymiamatis cuiusdam. Sequuntur fercula varia sine ordine: sorbitionis illius huntun appellatae; confectionis vini Sinici; parationis theae e Citro reticulata, e Nelumbone nucifera; conditurae zingiberis, corticis Citri medicae, surculorum bambuseorum. Plura praecepta molluscorum crustaceorumque et piscium dantur necnon holerum (inter quae raphani(en)) collyrorumque, pauca carnium (inter quas capitis porcini modo Sichuanensi). Fercula praebentur varia e cancribus (nonne Eriocheir sinensis lacus Tai?[1]); tria e piscibus cyprinidis; duo ex ave Emberiza e.g. sulphurata, e cochleis inter quas Bullacta exarata;[2] singula ex Ansere cygnoidi, e squillis, ex arcidis (nonne Tegillarca granosa?[3])

Yao Zi bibliophilus anno 1554 praefationem huic libello conscripsit.[4]

Notae recensere

  1. Charybdis japonica secundum Anderson et al. (2005) p. 453 nota 10, sed specie incerta secundum Wang et Anderson (1998)
  2. Cf. Fuchsia Dunlop, Land of Fish and Rice: Recipes from the Culinary Heart of China (Londinii: Bloomsbury, 2016. ISBN 978-1408802519) p. 17
  3. Cf. "安海湾南岸滩涂养殖贝类死亡原因调查分析"
  4. Anderson et al. (2005) p. 452

Bibliographia recensere

  • E. N. Anderson, Teresa Wang, Victor Mair, "Ni Zan, Cloud Forest Hall Collection of Rules for Drinking and Eating" in Victor Mair, Nancy Steinhardt, Paul R. Goldin, edd., Hawai‘i Reader in Traditional Chinese Culture (Honolulu: University of Hawai‘i Press, 2005) pp. 444–455
  • Thomas Gwinner, Essen und Trinken: die klassische Kochbuchliteratur Chinas. Francofurti, 1988
  • Yan-kit So, Classic Food of China (Londinii: Macmillan, 1992) pp. 29-34
  • Teresa Wang, E. N. Anderson, "Ni Tsan and his Cloud Forest Hall Collection of Rules for Drinking and Eating" in Petits Propos Culinaires no. 60 (1998) pp. 24-41