Terra Francisci Iosephi

Terra Francisci Iosephi (Russice Земля Франца-Иосифа, tr. Zemlja Franca-Iosifa) est archipelagus in marι Barentsianο Oceani Arctici, in septentrione Europae, 192 insulas cum area communi 16 134 km² habens. Nunc pars terrarum arcticarum Russiae est, ad regionem Archangelopolitanam pertinens.

Terrae Francisci Iosephi tabula

Iulius Payer, expeditionis Austriacae dux

Exploratio

Ab Expeditione Austro-Hungarica ad Polum Septentrionalem anno 1873 casu inventus, ex imperatore Francisco Iosepho I nominatus est. Ab expeditione Stephani Makarov explorabatur anno 1901.

Ursa maritima cum prole in monte glaciali prope ad Terram Francisci Iosephi

Archipelagus

Insulae archipelagi 192 in tres partes divisae sunt. Pars orientalis freto Austriaco separata, duas habet insulas maiores; haec sunt insula Wilczekii et insula Graham Bell. Extremitatem archipelagi orientalem mare Karense attingit.

Promunturium Fligely, Eurasiae terra maxime septentrionalis

Pars media maxima plurimas insulas habet, quarum insula Hall maxima est. Hic et insula Rudolphii iacet, ubi prope ad promunturium Fligely Eurasiae punctum maxime septentrionale situm est.

Pars occidentalis a canali Britannico separata duas habet insulas maiores, Terram Georgii et Terram Alexandrae.

Natura

Glaciaria et desertum Arcticum insulas operiunt. Incolae, nisi exploratores in stationibus Arcticis, absunt. Ursi maritimi et Odobaeni rosmari plurimi circa insulas gignuntur.

Nexus externi

Vicimedia Communia plura habent quae ad terram Francisci Iosephi spectant.

Haec stipula ad geographiam spectat. Amplifica, si potes!