Technologia informationis

Technologia informationis est "studium, descriptio, evolutio, implementatio, subsidium, vel administratio systematum informationis in computatris condita, praecipue in applicationibus programmaturae ferramentisque computatralibus." Haec technologia usum tractat computatrorum electronicorum programmaturaeque computatralis tuto ad convertendam, conservandam, protegendam, tractandam, transmittendam, imponendam, exponendam, et recuperandam informationem.

Pecunia in technologiam informationis communicationisque anno 2005 insumpta.

Mus radialis est genus ferramentorum computatralium.

Hodie, terminus informationis expanditur ut multos circumdet modos computandi et technologiae, atque vocabulum et sigla fiunt ambo agnitissima. "professionales" in informationis technologia varia munera exsequuntur, quae ab inauguratione applicationum ad descriptionem multiplicium retium computatralium informationisque datorum basium transeunt. Nonnulla officia quae ei exsequuntur sunt datorum tractatio, retium usus, ferramentorum computatralium descriptio, datorum basium programmatumque designatio, et tractatio administratioque totorum systematum. Informationis technologia nunc expanditur longius quam quotidianum computatrum personale, computatrum gestabile, computatrum tabulare et technologia retium et plus in integrationes aliarum technologiarum telecommunicationis, sicut usus telephoniorum cellularium, televisionum, autocinetorum, et aliarum rerum, quod praeterea necessitatem talium operum auget.

Eventus combinatio technologiarum computatrorum et communicationis est informationis technologia.

Tempore recentiori, ABET et Association for Computing Machinery conlaboraverunt ut normas accreditationis curriculorumque describerent pro gradibus in informationis technologia ut distincti studii ramus, ab ambobus scientia computatrali et systematibus informationis separatus. SIGITE est laborans grex ACM ad definiendas has normas.

Reditus omnium ex orbi terrarum officiorum IT fuit $763 milia millionum anno 2009.

Nexus interni

• Accessibilitas
• Cybersecuritas
• Cryptographia
• Data
• Discrimen digitale
• Impertitor
• Informatica
• Informatio
• Libertas informationis
• Pactio de iuribus hominum invalidorum
• Systema digitale

Bibliographia

• Adelman, C. 2000. A Parallel Post-secondary Universe: The Certification System in Information Technology. Vasingtoniae: U.S. Department of Education.
• Allen, T., et M. S. Morton, eds. 1994. Information Technology and the Corporation of the 1990s. Novi Eboraci: Oxford University Press.
• Florida Institute of Technology. 2010. Information Technology: MSIT Resources. Master of Science in Information Technology (MSIT).
• Shelly, Gary, Thomas Cashman, Misty Vermaat, et Tim Walker. 1999. Discovering Computers 2000: Concepts for a Connected World. Cantabrigiae Massachusettae: Course Technology.
• Webster, Frank, et Kevin Robins. 1986. Information Technology: A Luddite Analysis. Norwood, Novae Caesareae: Ablex.
• World Economic Forum et INSEAD. 2009. The Global Information Technology Report 2008–2009. ISBN 9789295044197.

Nexus interni

• The Global Information Technology Report 2008–2009 (PDF).