Rieda (Austria Superior)

Vide etiam paginam discretivam: Rieda.

Rieda^[1] est urbs 12 432 incolarum (status die 1 Ianuarii 2022) provinciae Austriae Superioris in regione Innviertel sita. Fere 80 chiliometra a Lentia et 60 chiliometra a Salisburgo distat.

Nomen

Nomen urbis a verbo Riet (vel etiam: Rieth, Reet, Rohr) repetit, quod lingua Theodisca medioaevali (Lingua Theodisca alta media, quae dicitur) cannetum vel arundinetum valet. Talis locus, ubi duo rivuli nominibus Oberach et Breitsach se coniungunt et solum umidum olim arundinem iuncumque tulit, urbi nomen dedit. Rivus ex rivulis coniunctis ortus in urbe antiqua per 2 6 chiliometra Rieder Bach, postea Antiesen appellatur.

Historia

Vicina Riedae regio primo a Celtis habitata, anno 15 a.C.n. a Romanis occupata et pars provinciae Norici facta est. Regio ex Medio aevo usque ad saec. 19 ad regnum Bavariae pertinuit, anno 1816 Imperio Austro-Hungarico adiuncta est. Villa Riedensis circa annum 1140 primo memorata^[2] et per saecula in forum nundinarum maioris momenti accreta anno 1857 in urbem evecta et insigne dotata est.

Oeconomia

Rieda imprimis est locus scholarum et forum nundinarum.

Coniunctiones communium

Landishuta in Germania

Incolae noti

Franciscus Hönig (1867-1937), faber aerarius, susceptor, poeta et per decennia demarchus communis Cremifanensis in Austria Superiore.
Ernestus Kaltenbrunner (1903-1946), clarus vir publicus Nazista.
Franciscus Stelzhamer (1802-1874), poeta Austriacus.
Thomas Schwanthaler (1634-1707), sculptor temporis Baroci.
Antonius Zeilinger (natus 1945), physicus Austriacus, qui mechanicae quanticae studet.

Notae

↑ Fons nominis: heiMap Orbis Latinus online et Bertius, Petrus: Commentariorum Rerum Germanicarum Libri Tres. - Amsterdam, 1616, p. 224 ("Oberhofeni et Riedae Baro").
↑ Elisabeth Bertol-Raffin, Peter Wiesinger: Die Ortsnamen des Politischen Bezirkes Ried im Innkreis (Mittleres Innviertel) (= Ortsnamenbuch des Landes Oberösterreich. Vol. 2). Verlag der Österreichischen Akademie der Wissenschaften, Vindobonae 1991, ISBN 978-3-7001-1863-3, p. 65, Nr. 2.1.11.4 (Ried im Innkreis).

Bibliographia

Conradus Meindl: Geschichte der Stadt Ried in Oberösterreich. Nationale Verlagsanstalt, Buch- und Kunstdruckerei, Monaci 1899 (landesbibliothek.at); iterum editum Riedae 1997.
Chronik der Stadt Ried im Innkreis (ab 1857), Riedae 2007, ISBN 978-3-902121-88-2.
Sieglinde Baumgartner / Helmar Auer: Die Schwanthaler-Stadt Ried. Geschichte und Gegenwart, Riedae 1999, ISBN 3-900847-57-6.

Nexus externi

Vicimedia Communia plura habent quae ad Riedam spectant.

Terra

Haec stipula ad urbem spectat. Amplifica, si potes!

Urbes Austriae


Anisia · Brigantium · Campitemplum · Cetium · Clagenfurtum · Comagenis · Ferreum Castrum · Graecia · Lentia · Ovilava · Pons Aeni · Salisburgum · Veldidena · Vindobona

[1] Fons nominis: heiMap Orbis Latinus online et Bertius, Petrus: Commentariorum Rerum Germanicarum Libri Tres. - Amsterdam, 1616, p. 224 ("Oberhofeni et Riedae Baro").

[2] Elisabeth Bertol-Raffin, Peter Wiesinger: Die Ortsnamen des Politischen Bezirkes Ried im Innkreis (Mittleres Innviertel) (= Ortsnamenbuch des Landes Oberösterreich. Vol. 2). Verlag der Österreichischen Akademie der Wissenschaften, Vindobonae 1991, ISBN 978-3-7001-1863-3, p. 65, Nr. 2.1.11.4 (Ried im Innkreis).

[1]

[2]