Resania

Resania^[1] (Russice Рязань, tr. Rjazan' ) est urbs Russiae, caput regionis Resaniensis, ad flumen Occam sita. Circa 538 milia incolarum habet.

Resania

Res apud Vicidata repertae:

Civitas: Russia
Locus: 54°37′48″N 39°44′33″E
Numerus incolarum: 537 622
Zona horaria: UTC+3
Situs interretialis
Nomen officiale: Рязань

Gestio

Praefectus: Oleg Bulekov
Procuratio superior: Regio Resaniensis

Geographia

Superficies: 224 chiliometrum quadratum

Coniunctiones urbium

Urbes gemellae: Berceorium, Kaesong, Kruševac, Melta, Monasterium, Novyy Afon, Dalmasium, Ostrów Mazowiecka, Siucheum, Alexandria Statiellorum, Bressicia, Genua

Resania est valens sedes industriae, commercii, commeatus atque scientiae et culturae. Multas officinas, instituta educationis, musea, theatra, monumenta historica architecturae habet.

Historia recensere

Cremlinus Resaniae

Urbs, anno 1095 condita, initio "Pereaslavia Resaniensis" (Russice Переяславль-Рязанский, tr. Perejaslavl'-Rjazanskij) nominabatur. Ab anno 1129 ad ducatum Resaniensem pertinens, extremo saeculo tredecimo initioque saeculi quattuordecimi gradatim caput ducatus illius facta, metropolis eius prisca, Resania Vetus, anno 1237 enim a Mongolo-Tataris deleta. Anno 1521, ducatus Resaniensis a Moscovia adiunctus est. Pereaslavia Resaniensis, ab anno 1708 ad gubernium Moscuense Russiae pertinens, sedes administrativa districtus et ab anno 1719 etiam provinciae gubernii illius fuit. Anno 1778 urbs, quae anno illo nomen Resaniae officiale obtinuit (quum hoc nomine iam a saeculo sedecimo commune appellabatur), metropolis gubernii Resaniensis (praefecturae Resaniensis annis ab 1778 ad 1796) Imperii Russici facta est. Gubernio Resaniensi anno 1929 abolito, Resania nonnullos annos sedes administrativa districtus in regione Moscuensi erat, ab anno 1937 autem regionis Resaniensis metropolis est.

Notae recensere

↑ Antonii Possevini, Missio Moscovitica, ex Annuis litteris Societatis Jesu (anni MDLXXXII) excerpta... (1882), p. 17, 104; Christophori Caldenbachii^(de) Lyricorum Lib. III. Rhythmorum Lib: I. Alterque miscellaneorum, p.38

Nexus externi recensere

Vicimedia Communia plura habent quae ad Resaniam spectant.

Situs geographici et historici: Locus: 54°37′48″N 39°44′33″E • GeoNames • Store norske Lexikon • Большая российская энциклопедия

[1] Antonii Possevini, Missio Moscovitica, ex Annuis litteris Societatis Jesu (anni MDLXXXII) excerpta... (1882), p. 17, 104; Christophori Caldenbachii^(de) Lyricorum Lib. III. Rhythmorum Lib: I. Alterque miscellaneorum, p.38

[1]