Resania Vetus

Resania Vetus (Russice Старая Рязань, tr. Staraja Rjazan' ), in ripa dextra Occae fluminis sita, olim erat Rutheniae urbs valens, metropolis ducatus Resaniensis. Nunc autem vicus est, circa decem incolas habens, prope ruinas urbis antiquae (loci archaeologici magni valoris) in regione Resaniensi Russiae.

Resania Vetus

Res apud Vicidata repertae:

Civitas: Russia
Locus: 54°23′50″N 40°25′40″E

Gestio

Procuratio superior: Spassky District

Resania vetus: Occa flumen, vicus hodiernus in ripa eius, vallum arcis veteris et locus urbis post id

Historia

Resania urbs anno 1096 primo in annalibus commemorata est, et secundum data archaeologica locus habitatus Slavicus ibi iam saeculo decimo conditus est. Valens sedes fabricae et mercaturae Rutheniae antiquae, saeculis duodecimo tredecimo ducatus Resaniensis metropolis fuit. Anno 1237 Resania destructa est a Mongolo-Tataris et gradatim periit. Sedes ducis Resaniensis autem medio saeculi quattuordecimi mota est in Pereaslaviam Resaniensem, quae dein et nomen Resaniae sumpsit.

Resania Vetus est prima urbium Ruthenicarum, obiectum studii archaeologici facta. Excavationes archaeologicae Resaniae Veteris anno 1822 inceptae sunt. Reservatum historico-archaeologicum ibi creatum est.

Fontes

• Pagina de Resania Vetere Encyclopaediae Sovieticae Magnae editionis tertiae (Russice)
• Pagina de Resania Vetere in situ Musei-Reservati Historico-Archaeologici Resaniensis (Russice)

Nexus externus

Situs geographici et historici: Locus: 54°23′50″N 40°25′40″E • Большая российская энциклопедия

• Pagina de Resania Vetere Encyclopaediae Russicae Magnae (Russice)