Portucalensis

Portucalensis (Lusitane Distrito do Porto) est pagus Portugalliae ad traditionalis provinciae Durii Litoralis nucleum correspondens. Terminatur a Septemtrione districtu Bracara Augusta, ab Oriente districtu Villa Regia, a Meridie districtu Verurio et districtu Aviario et ab Occidente Oceano Atlantico. Habet aream 2 395 km² (17^us maximus Lusitanus districtus) et numerum incolarum residentium 2 027 191 (anno 2009). Districtus sedes urbs homonyma est.

Situs pagi Portucalensis

Pagus Portucalensis subdivisus est in haec duodeviginti municipia:

Concilia Districtus Portucalensis.

Insigne	Municipium Latine	Municipium Lusice
Insigne Amaranthi	Amaranthus	Amarante
Insigne Baionis	Baio	Baião
Insigne Calis	Cale	Vila Nova de Gaia
Insigne Felgariae	Felgaria	Felgueiras
Insigne Gundemari	Gundemarus	Gondomar
Insigne Lausatae	Lausata	Lousada
Insigne Maiae	Maia	Maia
Insigne Matesini	Matesinus	Matosinhos
Insigne Palatiorum Ferrariae	Palatia Ferrariae	Paços de Ferreira
Insigne Parietum	Parietes	Paredes
Insigne Penafidelis	Penafidelis	Penafiel
Insigne Portus Calis	Portus Cale	Porto
Insigne Sancti Thyrsi	Sanctus Thyrsus	Santo Tirso
Insigne Termini de Caraveses	Terminus de Canaveses	Marco de Canaveses
Insigne Vallis Longi	Vallis Longus	Valongo
Insigne Villae Christophori	Villa Christophori	Trofa
Insigne Villae de Comite	Villa de Comite	Vila do Conde
Insigne Villae Euracini	Villa Euracini	Póvoa de Varzim

Si plus cognoscere vis, vide etiam Index paroeciarum Districtus Portucalensis.

In praesenti nationali divisione, districtus integratus est in Regione Septemtrione (Lusice; Região Norte), dum municipia per subregiones Magnum Portum Cale (Lusice; Grande Porto) et Tamăcam (Lusice; Tâmega) patent. Summatim:

• Regio Septemtrio
  • Magnus Portus Cale
    • Gundemarus
    • Maia
    • Matesinus
    • Portus Cale
    • Sanctus Thyrsus
    • Vallis Longus
    • Villa Christophori
    • Villa de Comite
    • Villa Euracini
  • Tamăca
    • Amaranthus
    • Baio
    • Felgaria
    • Lausata
    • Terminus de Canaveses
    • Palatia Ferrariae
    • Parietes
    • Penafidelis

Animavertendum est Portum Cale sedem et caput Lusitani territorii urbani magni (Lusice; grande área metropolitana), Territorii Urbani Portus Calis Magni (Lusice; Grande Área Metropolitana do Porto), esse, quod municipia septendecim cum 2 089 km² complectitur, eius praesenti praeside Herminio Loureiro. Cui spissitudo incolarum fere 1098 incolarum pro km² est. Correspondet ad aream a subregionibus Magno Portu Cali (Lusice; Grande Porto) et Inter Durium et Vacuam (Lusice; Entre Douro e Vouga) contentam. Portus Cale et Territorium Urbis Portus Calis Magnum (Lusice; Grande Área Metropolitana do Porto) structuralem Regionis Septemtrionis (Lusice; Região Norte) nucleum constituunt, quae aream 21 278 km² et populositatem 3 689 609 incolarum habet (secundum census anni 2011), ad 37% Portugalliae Continentalis et 35% Civitatis-Nationis Lusitanae correspondens, quamobrem est regio cum maximo numero incolarum et maxima magnitudine in natione et regio ubi sitae sunt pleraeque societates medianae et parvae et quae quoque regio maxime ad nationales exportationes contribuens et unica magis exportans quam importans est. Regio Septemtrio 40% valoris additi in natione producit et 50% laborum industrialium habet, cum indice tegendarum importationum per exportationes 129%, contra nationalem mediam 74%. Huic regioni serviunt duae praecipuae infrastructurae: Portus Leixonum (Lusice; Porto de Leixões), 25% Lusitani internationalis commercii repraesentans et circiter quattuordecim milliones tonnarum mercimoniorum per annum movens; et Aëroportus Franciscus Sá Carneiro (Lusice; Aeroporto Francisco Sá Carneiro), optimus aëroportus in Portugallia secundum aërodromorum spatium. Secundum aëreos oneris et viatorum motus, est secundus maximus in Portugallia, optimus in toto orbe terrarum laureatus in categoria aëroportuum usque ad quinque milliones viatorum.

Danda continuitate novae administrativae ordinationi, in praesenti, verificatur magnum ponderis incrementum Territoriis Urbis et Communitatibus Intermunicipalibus contra districtus. Secundum legem nº 45/2008 diei 27 Augusti, inter territoria urbis, anno 2003 creata, solum supererunt nuncupata classica: Territorium Urbis Portus Calis Magnum (Lusice; Grande Área Metropolitana do Porto) et Territorium Urbis Olisiponis Magnum (Lusice; Grande Área Metropolitana de Lisboa), dum reliquae in Communitates Intermunicipales denuo ordinabuntur. Obvia ratio huic statui, praeter oeconomicarum administrativarumque consociationum rationes, fertur ad factum ne catoeciae se cum districtu cui subiectae fuerint identificent, velut evenit, sicut paradigmaticum exemplum, cum municipiis Spino, Sancta Maria Feriensi, Sancto Ioanne Materiae, Oliveto Azemedensi, Valli Cambrae et Araducta, Territorii Urbis Portus Calis municipiis, quae, quamquam ad districtum Aviarum pertinent, magnum socio-oeconomicum vinculum semper cum urbanum Portus Calis spatium habuerunt, praeter territorialem propinquitatem urbi Portui Cali et eorum identificationem cum municipiis Districtus Portus Calis, quod acuitum est hodie. Lege 75/2013 pridie Idus Septembres, continuitatem novae administrativae ordinationi et novae munerum structurationi in territoriali ordinatione dante, districtus in recessu relegati sunt, cum administrativo Territoriorum Urbis et Communitatum Intermunicipalium protagonismo.