Matesinus

Matosinhos

Insigne

Vexillum

Urbis sententiola: Cidade de Matosinhos

(Urbs Matesinus)

Gentilicium

Matesinensis-e

Area

62.42 km²

Numerus incolarum
- Totus (2011)
- Spissitudo

175 478 inc.
2 811.25 inc./km²

Numerus paroeciarum

4

Praeses
Camerae Municipalis

Gulielmus Pinto
(independens)

Municipium conditum
aut forum

1867
(forum anno 1514)

Antiqua provincia

Sanctus Salvator Matesini

Feriatus municipalis

Dies Martis
Pentecostes

Numerus cursualis

4450 Matosinhos

Situs interretialis

www.cm-matosinhos.pt

Matesinus^[1] (Lusice Matosinhos) est Lusitana urbs ad Districtum Portum Cale (Lusice Distrito do Porto), ad Regionem Septemtrionem (Lusice Região do Norte) et ad Subregionem Magnum Portum Cale (Lusice Sub-região do Grande Porto) pertinens. Territorii Urbis Portus Calis Magni (Lusice Grande Área Metropolitana do Porto).

Est parvi municipii sedes cum 62.42 km² areae et cum 175 478 incolarum anno 2011, subdivisus in paroecias quattuor. Municipium a Septemtrione municipio Villa de Comite (Lusice Vila do Conde), a Boreoriente municipio Maia (Lusice Maia), a Meridie Portu Cali (Lusice Porto) et ab Occidente Oceani Atlantici litore terminatur.

Urbis litore situs est Portus Leixonum (Lusice Porto de Leixões), secundus maximus artificiosus portus in Portugallia et secundus maritimus portus Territorii Urbis Portus Calis Magni (Lusice Grande Área Metropolitana do Porto). Pars ex aëroportu internationali Portus Cali municipales limites comprehendit.

Historia

Per totam suam historiam, Matesinus Monasterio Baltearum^[2] (Lusice Mosteiro de Bouças) conexus erat, quod antiquissimum erat, ante annum 944 aedificatum. Anno 900 iam exsistebat parvum hamellum Matesinus nuncupatus, quod anno 1258 Matusiny, locus paroeciae Villae Sindini (Lusice Sendim), nuncuparetur. Rex Dominus Emmanuel I ei forum pridie Kalendas Octubres anni 1514 concessit et ad concilium Baltearum^[3] (Lusice concelho de Bouças) anno 1833 pertinere coepit, cum sede Villae Baltearum^[4] (Lusice Vila de Bouças), quae usque ad annum 1836 Domina Horae (Lusice Senhora da Hora) designabatur. Usque ad liberalismum Iurisdictio Baltearum^[5] (Lusice Julgado de Bouças) constituebat.

Anno 1853, creatum est villa Matesinus (Lusice Matosinhos), homonymā paroecia et paroecia Villā Fossi de Leza^[6] (Lusice Leça de Palmeira) constituta, quae concilii sedes pro Balteis^[7] (Lusice Bouças) facta est. Anno 1867 denique creatum est concilium Matesinus, sed denuo evanuit post dies viginti et rursus Balteae fuere sedes concilii. Quia Matesinus locus maximi ponderis die 6 Maii anni 1909 iam putabatur, creatum est concilium Matesinus in praesenti exsistens. Elevatum est ad urbis categoriam die 28 Iunii anni 1984, Narcisso Miranda Praeside Camerae.

Paroeciae

Concilii Matesini paroeciae post novam anni 2013 ordinationem administrativam.

Municipium Matesinus urbes tres: Matesinum (Lusice Matosinhos), Sanctum Mamethum^[8] (Lusice São Mamede de Infesta) et Dominam Horae (Lusice Senhora da Hora), et oppida quattuor comprehendit.

Cum paroeciae se anno 2013 coniunxissent, concilium Matesinus subdivisum est in paroecias quattuor, quae sunt inferiori in tabula:

Insigne	Paroecia Latine	Paroecia Lusice
Insigne Unionis Paroeciarum Custodiarum, Quiffionum et Lezae Baiuli.	Unio Paroeciarum Custodiarum, Quiffionum et Lezae Baiuli^[9]^[10]^[11]	União das Freguesias de Custóias, Leça do Balio e Guifões
	Unio Paroeciarum Matesini et Villae Fossis de Leza^[12]^[13]	União das Freguesias de Matosinhos e Leça da Palmeira
	Unio Paroeciarum Petrae Fictae, Labrae et Sanctae Crucis Episcopi^[14]^[15]	União das Freguesias de Perafita, Lavra e Santa Cruz do Bispo
	Unio Paroeciarum Sancti Mamethi et Dominae Horae^[16]	União das Freguesias de São Mamede de Infesta e Senhora da Hora

Rationes externae

Geminationes

Haec urbes urbis Matesinus sorores sunt:

in Europa

Matriniacus^[17] (Francice Mérignac), in Francia;
Villa Gracia (Hispanice Villagarcía de Arosa et Gallaice Vilagarcía de Arousa), in Hispania;

in America

Ilicis Camporum (Lusice Congonhas), in Brasilia;

in Africa

Sanctus Ioannes Angolarum (Lusice São João dos Angolares), in Sancto Thoma et Principe;
Mansoa (Lusice Mansôa), in Guinea Bissaviensi;
Nacala^[18] (Lusice Nacala), in Mozambico;
Sanctus Philippus (Lusice São Filipe et Chloracraice; San Filipi), in Promunturio Viridi.

Consensiones Cooperationis

Matesinus consensionem cooperationis cum:

Luanda (Lusice; Luanda), in Angolia.

Ethnographia

Matesinus recens terra Lusitanis terminis est et ergo ab urbe Portu Cali affectus est. Incorporat piscatorias Septemtrionalis litoris traditiones, specifice eas piscatoriae communitatis Villae Euracini (Lusice Póvoa de Varzim) et Villae de Comite, quae validissimae inter urbes sunt, sed etiam rurales terrarum Maiatarum traditiones. Praecipuum Matesini festum Dominus Matesini (Lusice Senhor de Matosinhos) est, cuius origo est antiqua legenda secundum quam Iesu Crucifixi imago, Nicodemi opus, hic iuxta mare apparuit, ubi Sacellum-Memoriale est. Imago Domini inclito Sanctuario Domini Matesini (Lusice; Santuário do Senhor de Matosinhos), Nicolai Nasoni opere primo, colitur.

Alia legenda antiquissima hic miraculum pectinum seu conchyliorum, Iacobo Maiori attributum, constituit.

Oeconomia

Portus Leixonum (Lusice Porto de Leixões).

IKEA Matesini.

Matesinus usque ad recens tempus municipium valde industrializatum fuit, quod paulatim factum est municipium campo tertiario deditum. Nihilominus, adhuc societates petrolearias, industrialis floris hereditatem, servat. Inter praecipuas industrias petrochemia, industria alimentaria ac infusoria, industria textilis et materiae electricae industria sunt.

Est etiam hac urbe, accuratius paroeciae Villae Fossi de Leza (Lusice Leça de Palmeira) ubi sita est Exponor, maximum forum nundinarum negotialium in natione. Possidet unum inter praecipuos Magni Portus Calis portus: Portum Leixonum (Lusice Porto de Leixões), maximum artificiosum portum in Portugallia, exeunte saeculo undevicensimo constructum.

Demographia

Concilii Matesini populositas inter annos 1801 et 2011
1801	1849	1900	1930	1960	1981	1991	2001	2011
7 287	12 429	25 071	50 962	91 017	136 498	151 682	167 026	175 478

Periegesis

Ora Matesini (Lusice; Praia de Matosinhos), cuius amplissimā novā maritimā viā trochopedila, subrotatae, patinuli et birotae sunt praetextum ad ambulandum iuxta mare. Ora, extensum harenarium prope portum, malas resultationes de ambitalis qualitatis indicibus accumulavit, sed balneantium affluentia crescere non desinit. Nota est propter variorum disportuum exercitationem ac doctrinam. Sunt multae et bonae cauponae in circumiectis locis.

Matesinenses notabiles

Alvarus Siza Vieira architectus fori Exponor.

Alvarus Siza Vieira architectus, Matesini die 25 Iunii anni 1933 natus.
Flos Bella Espanca poëtria quae domicilium in Matesinum Iunio anni 1919 immutavit et hic anno 1930 se vitā privavit.
Alvarus Lapa pictor et scriptor, Matesini die 11 Februarii anni 2006 mortuus.
Antonius de Sousa Franco iurisprudens et politicus, Matesini die 9 Iunii anni 2004 mortuus.
Malangatana Mozambicanus artifex et poëta, Matesini Nonis Ianuariis anni 2011 mortuus.
Narcissus Miranda Praeses Camerae per annos triginta.

Monumenta

Margine, She Changes sculptura ab artifice Ioannetta Echelman.

She Changes (Anglice; 'Ea Mutatur') est nota sculptura nuper ab artifice Ioannettā Echelmann designata et anno 2005 inaugurata. Invenitur Fori Urbe Salvatore (Lusice Praça Cidade do Salvador) inter Portum Cale et Matesinum cum proposito venerandorum ambarum urbium piscatorum.

Artes athleticae

Matesinus est sedes Lusitanicarum primae ligae turmarum pedilusoriarum Leixões Sport Club et Leça Futebol Clube. Inter minores turmas pedilusorias excellunt Sporting Clube de Senhora da Hora, Futebol Clube Infesta, Padroense Futebol Clube, Futebol Clube de Perafita, Juventude de Matosinhos, et Seara Futebol Clube.

Notae

Nexus externi

Vicimedia Communia plura habent quae ad Matesinum spectant.

[1] Vicipaedia Lusica

[2] .pt

[3] .pt.

[4] .pt

[5] .pt.

[6] .pt

[7] .pt.

[8] Vicipaedia Lusica

[9] ustoias.site90.net

[10] sites.google.com/site/jfguifoes/news

[11] Sarcófagos e sepulturas medievais (Maia e Matosinhos): análise tipológica e cronológica a Diana Ornellas Bencatel

[12] Vicipaedia Lusica

[13] .pt

[14] Vicipaedia Lusica

[15] Cidade de Matosinhos

[16] Vicipaedia Lusica

[17] Vicipaedia Francica

[18] "Dioecesis" e The Hierarchy of the Catholic Church (situs a Davide M. Cheney elaboratus) (Anglice)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]