Physalis peruviana

Physalis peruviana (binomen a Carolo Linnaeo anno 1763 statutum), apud Peruanos aguaymanto, est species plantarum florentium et fructiferarum familiae Solanacearum. In regionibus Andinis sponte gignitur; in Peruvia Brasiliaque colitur et ad cibum adhibetur. Saeculo XVIII exeunte in Europam, saeculo XIX ineunte in Africam Australem, Australiam, Novam Zelandiam introducta est. Sub climate tropico perennis, sub temperato annua viget.

Physalis peruviana

---

Plantae — Angiospermae

Eudicotyledones 
Asteridae 
Ordo : Solanales 
Familia : Solanaceae 
Subfamilia : Solanoideae 
Tribus : Physaleae 
Genus : Physalis 
Species : Physalis peruviana 
L.

   

Fructus immaturi virides non sunt edules propter solaninam^(en) quae in illis continetur. Fructus maturi, colore flammei, crudi comeduntur, in suco contunduntur, in confectura condiuntur (adiecto pectino). Ferculis salsisque in arte coquinaria Peruana immittuntur.

Bibliographia

• Marcio dos Santos et al., "Origin, evolution and strategies for the genetic improvement of physalis" in Ciência Rural vol. 53 no. 7 (2023)
• "Physalis peruviana" in Stephen Facciola, Cornucopia: a source book of edible plants (Vista: Kampong Publications, 1990. ISBN 0-9628087-0-9) p. 206
• Shangguo Feng et al., "Complete chloroplast genomes of four Physalis species (Solanaceae): lights into genome structure, comparative analysis, and phylogenetic relationships" in BMC Plant Biology vol. 20 (2020) no. 242
• Louis Girault, Kallawaya: guérisseurs itinérants des Andes (Lutetiae: ORSTOM, 1984) p. 386 (Paginae selectae apud Google Books)
• Carolus Linnaeus, Species Plantarum ed. 2a vol. 2 (1763) pp. 1670–1671
• András Mihály Paksi et al., "Physalis peruviana L.: an alternative crop for small scale farms" in Cereal Research Communications vol. 35 (2007) pp. 877-880 JSTOR
• L. A. Puente et al., "Physalis peruviana L., the Multiple Properties of a Highly Functional Fruit: a Review" in Food Research International vol. 44 (2011) pp. 1733-1740
• Mayra Saby Bazalar Pereda, Mónica Azucena Nazareno, Carmen Inés Viturro, "Volatile compound profile and sensory features of cape gooseberry (Physalis peruviana Linnaeus): comparative study between cultivated and wild fruits" in European Food Research and Technology (2022)
• Juan Carlos de la Vega et al., "Conservation advances on Physalis peruviana L. and Spondia purpurea: a review" in Food Science and Technology (Campinas) vol. 42 (2022) e27520

Nexus externi

Fructus maturus e calyce emergens

Cocktail vel potio mixta aguaymanto sour: ex aqua vitae pisco (vide Pisco sour) cum suco Physalidis peruvianae, glacie adiecta, fit

Ars coquinaria Peruana: Offa carnis vicugnae e salsa Physalidis peruvianae cum patatis frictis acetariaque Huaraz in urbe inlata

• "Discover the aguaymanto, one of the best foods produced in Peru" apud Perú.info