Perdita luteola, female, face 2012-08-01-16.02.40 ZS PMax.jpg

Classis : Insecta 
Ordo : Hymenoptera 
Subordo : Apocrita 
Superfamilia : Apoidea 
Familia : Andrenidae 
Subfamilia : Panurginae 
Genus : Perdita 
F. Smith, 1853
   
Subdivisiones: Species
634; vide commentarium.

Perdita est magnum genus anthophilorum parvorum, quae in America Septentrionali endemica sunt, maxime varia in desertis Civitatum Foederatarum Mexicique regionibus. Sunt plus quam sescentae species agnitae, plus centum subspecies additae, multaeque species nondum descriptae.[1] Singulae huius generis species plerumque sunt minimae (a 2.0 mm ad 10.0 mm), saepe clarissime coloratae, metallice repercutientes, cum maculis vel flavis vel albis, atque inter paucas anthophilorum stirpes sunt species quae icere nequiunt. Genus penitus tractatum est a Philippo H., Timberkake, qui, cum Theodoro Dru Alison Cockerell, plurimas species notas descripsit. Plurimae species polline sunt oligolectosae, quae enim pollen solum ex paucis plantarum speciebus vel generibus arte cognatis colligunt. Multae huius generis species vulgo anthophila fada appellantur.[2]

Inter parasitos Perditae praesertim numeratur Neolarra, aliud quidem anthophilum, quae ova in eorum nidis opportune ponunt.[3]

Nexus interni

NotaeRecensere

  1. Portman, Zachary M.; Griswold, Terry (2017). "Review of Perdita subgenus Procockerellia Timberlake (Hymenoptera, Andrenidae) and the first Perdita gynandromorph". ZooKeys (712): 87–111 .
  2. "Bug Guide" .
  3. Emry, Paige. Our Native Bees. p. 77 .

Nexus externiRecensere

  Situs scientifici:  • ITIS • NCBI • Biodiversity • Encyclopedia of Life